10 Mambo wankazi wa ku Sabha abva mphangwa za kubvekera kwa Salomoni, pontho kuti kubvekera kweneku ndi thangwi ya dzina ya Yahova.+ Natenepa iye abwera toera kumuyesera na mibvundzo yakunentsa.*+

7 Mbwenye ine nee ndakhulupira mphangwa zidapangwa ine mpaka pidabwera ine mbandipiona na maso anga. Mwandimomwene pidapangwa ine thangwi ya imwe ndi pang’ono basi! Udziwisi wanu na kuthambaruka kwanu kwapiringana pinthu pyonsene pidabva ine thangwi ya imwe.

31 Mambo wankazi wakunterero+ anadzalamuswa muli akufa pabodzi na anthu a ndzidzi uno pa Ntsiku Yakutongwa, iye anadzaakonesa, thangwi iye abuluka kutali kakamwe toera kubvesera udziwisi wa Salomoni. Mbwenye onani! Munthu wankulu kakamwe kupiringana Salomoni ali pano.+