• 2 Samweli 7:8
    Bhibhlya ya Dziko Ipswa

    • 8 Cincino panga ntumiki wanga Dhavidhi kuti ‘Yahova wa anyankhondo alonga tenepa: “Ine ndakubulusa kukhakumbiza iwe, kule kukhatsalakana iwe mabira+ toera ukhale ntsogoleri wa mbumba yanga ya Izraeli.+

  • 2 Samweli 7:12
    Bhibhlya ya Dziko Ipswa

    • 12 Ntsiku zako zingafika kunkhomo,+ mbufa ninga pidacita ambuyako, ndinadzacitisa kuti dzindza* yako, mwanako wamamuna* atonge ninga mambo, pontho ine ndinadzawangisa kakamwe umambo wace.+

  • Masalmo 89:33-37
    Bhibhlya ya Dziko Ipswa

    • 33 Mbwenye cipo ndinadzasiya kupangiza ufuni wanga wakukhonda mala kuna iye,+

      Pontho nee ndinasiya kukwanirisa pikiro yanga.*

      34 Nee ndinadzakhonda kukwanirisa cibverano canga+

      Peno kucinja pidalonga mulomo wanga.+

      35 Ninga Wakucena, ine ndadumbira kabodzi basi;

      Nee ndinadzalonga uthambi kuna Dhavidhi.+

      36 Mwanace* anadzakhala kwenda na kwenda;+

      Mpando wace waumambo unadzakhala ninga dzuwa patsogolo panga.+

      37 Mpando wace waumambo unadzalikhiswa mbukhala kwenda na kwenda

      Ninga mwezi wakuti ndzidzi onsene usaoneka* mʼmakole.” (Sela)

  • Yeremiya 33:20, 21
    Bhibhlya ya Dziko Ipswa

    • 20 “Yahova alonga: ‘Ine ndacita cibverano toera aoneke masiku na masikati, imwe mungakwanisa kufudza cibverano ceneci toera akhonde kuoneka masiku na masikati pa ndzidzi udakhazikiswa,+ 21 pyenepi pingakwanisika, cibverano canga cidacita ine na ntumiki wanga Dhavidhi cinafudzikambo,+ mbasiya kukhala na mwana toera kutonga pa mpando wace waumambo,+ pontho cibverano canga na anyantsembe a dzindza ya Levi akuti ndi atumiki anga cinafudzikambo.+