9 Mprofeta Elizeu acemera m’bodzi mwa ana a aprofeta, mbampanga: “Manga nguwo yako ncunu, kwata ntete uyu wa mafuta, mbuenda mwakucimbiza ku Ramoti-Jiliyadhi.+ 2 Ungafika kweneko, saka Jeu+ mwana wa Yosafate, mwana wa Nimisi; ungan’gumana mulamuse pakati pa abale ace mbupita naye nkwartu yankati kakamwe. 3 Buluka penepo kwata ntete wa mafuta, athirire munsolo mwace, mbulonga: ‘Yahova alonga tenepa: “Ndiri kukudzodza toera ukhale mambo wa Izraeli.”’+ Ungamala, fungula nsuwo mbuthawa mwakucimbiza.”

30 Jeu pidafika iye ku Yezrieli,+ Yezabheli+ abva pyenepi. Natenepa iye apintari ntsiye zace na kore yakupswipa, abalikisa tsisi yace, mbayang’ana kunja na pajanela. 31 Jeu pidapita iye na pansuwo ukulu wa nzinda, Yezabheli alonga: “Ninji pidacitika kuna Zinri, ule adapha mbuyace?”+ 32 Jeu ayang’ana pajanela, mbabvundza: “Mbani ali kukhundu yanga? Mbani?”+ Penepo pene atsogoleri a panyumba ya mambo awiri peno atatu ayang’ana pantsi pakhali Jeu. 33 Iye alonga: “Ponyani Yezabheli pantsi!” Natenepa iwo amponya pantsi, ciropa cace mbiciwazikira pa pfufu na makavalo, buluka penepo Jeu amponda-ponda na makavalo ace.