14 Buluka penepo Jeu+ mwana wa Yosafate mwana wa Nimisi, acita masasanyiro toera kumenyana na Yeoramu.

Yeoramu na nsoka wa anyankhondo a Izraeli akhali ku Ramoti-Jiliyadhi+ toera kutsidzikiza Aizraeli kuna Mambo Azaeli+ wa ku Sirya.

24 Jeu akwata uta wace, mbaponyera pswimo Yeoramu. Pswimo ineyi yamulasa kunsana mbiphola ntima wace, mbafa mu ngolo yace ya nkhondo.

6 Penepo iye aalembera tsamba yaciwiri, yakuti ikhalonga: “Khala imwe muli kukhundu yanga, pontho musafuna kundibvera, bwerani kuna ine mangwana ku Yezrieli pa ndzidzi ninga uno na misolo ya ana amuna a mbuyanu.”

Ana amuna 70 a mambo akhali na amuna akubvekera a mu nzinda akuti akhaakuza. 7 Pidatambira iwo tsamba ineyi, iwo akwata ana amuna 70 a mambo mbaapha.+ Iwo aikha misolo ya ana anewa m’masestu mbaitumiza kuna iye ku Yezrieli.

23 Buluka penepo, Jeu na Yeonadhabhe+ mwana wa Rekabu apita n’nyumba ya Bhaale. Jeu apanga anyakulambira Bhaale: “Sakani mwadidi mbamuonesesa toera muno mukhonde kugumanika anyakulambira Yahova, mbwenye basi ene a Bhaale.”

25 Pidamala kuperekwa ntsembe yakupiswa, Jeu apanga anyakuonera* na atsogoleri: “Pitani, pontho apheni! Lekani kuthawisa nee m’bodzi!”+ Natenepa, anyakuonera na atsogoleri atoma kuapha na supada mbaaponya kunja, pontho iwo apitiriza mpaka pa mbuto yaulambiri* ya nyumba ya Bhaale.