• Masalmo 139:11, 12
    Bhibhlya ya Dziko Ipswa

    • 11 Ine ndingalonga: “Cidima cinandibisa!”

      Penepo cidima ciri nʼkhundu mwanga cinadzakhala ceza.

      12 Cidima nee cinadzakhala cakupswipa kakamwe kuna imwe,

      Mbwenye cidima cinadzakhala cakucena ninga ceza ca masikati;+

      Kuna imwe, cidima ndi sawasawa na ceza.+

  • Izaiya 29:15
    Bhibhlya ya Dziko Ipswa

    • 15 Dzedze kuna ale anaenda kutali toera kubisira Yahova pinthu pinacita iwo.+

      Iwo asacita pinthu pyawo pacidima

      Mbalonga: “Mbani anationa?

      Mbani anadziwa pinacita ife?”+

  • Yeremiya 23:24
    Bhibhlya ya Dziko Ipswa

    • 24 “Kodi munthu anakwanisa kubisala pa mbuto yakuti nee ndinakwanisa kumuona?”,+ alonga Yahova.

      “Kodi ine nee ndisakhala

      kudzulu na pa dziko yapantsi?”,+ alonga Yahova.

  • Amosi 9:3
    Bhibhlya ya Dziko Ipswa

    •  3 Pontho iwo angaenda kabisala padzulu paphiri ya Karmelo,

      Kweneko ine ndinadzaasaka mbandiaphata.+

      Iwo angabisala pantsi pa bara toera ndikhonde kuaona,

      Ine ndinadzatuma nyoka toera ialume.