BHIBHLIYOTEKA MU INTERNETI ya Torre de Vigia

Ezekiyeli 21:26, 27

Bhibhlya ya Dziko Ipswa
- 26 Ipi ndi pidalonga Yahova, Mbuya Wankulu Kakamwe: ‘Dula nguwo yakuphimbira nayo nsolo, dula nthimba ya umambo.+ Pinthu nee pinadzakhalabve ninga mwakale.+ Pasa cidzo munthu wakupwazika,+ pontho pwaza munthu wakuti ali na cidzo.+ 27 Ine ndinadzafudza, ndinadzafudza, ndinadzafudza umambo. Umambo unoyu nee unadzakhala wa munthu, mpaka angafika ule wakuti ali na ufulu wakuupaswa;+ ine ndinadzaupereka kuna iye.’+

Dhanyeli 2:21

Bhibhlya ya Dziko Ipswa
- 21 Iye asacinja midzidzi,+
  Asabulusa amambo mbakhazikisa amambo,+
  Iye asapasa ndzeru kuna anyandzeru, pontho asapasa udziwisi kuna ale ali na luso yakubvesesa pinthu.+

Dhanyeli 4:25

Bhibhlya ya Dziko Ipswa
- 25 Imwe munadzathamangiswa pakati pa anthu, mbamukhala na pinyama ntsanga. Munadzadya tsanga ninga ngʼombe; pontho munadzatota na bume yakudzulu,+ buluka penepo panadzapita midzidzi* minomwe,+ mpaka mudzindikire kuti Mulungu Wankulu Kakamwe ndi Ntongi wa maumambo a anthu, pontho iye asapasa umambo ule anafuna iye.+