• Masalmo 15:1-5
    Bhibhlya ya Dziko Ipswa

    • 15 Yahova, mbani anafuna khala mulendo panyumba* panu?

      Mbani anafuna kukhala paphiri yanu yakucena?+

       2 Ndi ule anafamba mwakukhulupirika,*+

      Wakuti asacita pinthu pyadidi+

      Pontho asalonga undimomwene muntima mwace.+

       3 Iye nkhabe longa psweda na lirimi yace,+

      Iye nkhabe kucitira ndzace pyakuipa,+

      Pontho iye nkhabe kulonga mwakuipa axamwali ace.+

       4 Iye asaida anthu anacita pinthu pyakuipa,+

      Mbwenye asalemedza ale anagopa Yahova.

      Iye asakwanirisa mapikiro ace, maseze mapikiro anewa amʼbweresere nyatwa.+

       5 Iye nkhabe kubwerekesa kobiri yace toera abwezerwe na juru,+

      Pontho iye nkhabe kudyekerwa toera kukonesa munthu wakusowa mulando.+

      Iye nkhabe kudzudzumika* mu pyonsene pinacita iye.+

  • Masalmo 27:4
    Bhibhlya ya Dziko Ipswa

    •  4 Ine ndaphemba cinthu cibodzi kuna Yahova

      Cinthu ceneci ndi cinafuna ine,

      Kukhala panyumba ya Yahova ntsiku zonsene za umaso wanga,+

      Toera ndione udidi wa Yahova

      Pontho toera ndiyangʼane mwakutsandzaya* templo yace.*+

  • Masalmo 84:1-4
    Bhibhlya ya Dziko Ipswa

    • 84 Imwe Yahova wa anyankhondo,+

      Ine ndisafuna kakamwe tabhernakulo yanu ikulu!

       2 Ine ndatsuwa kakamwe,

      Inde, manungo anga afewa thangwi yakufuna kakamwe

      Kuenda panyumba ya Yahova.+

      Ndakhuwa mwakutsandzaya kuna Mulungu wa mʼmaso na ntima wanga onsene, pontho na mphambvu zanga zonsene.

       3 Ngakhale mbalame zisagumana mbuto mwenemo toera kukhala,

      Pontho nyantandamibvi* asamanga ntsandza yace,

      Toera kuikhamo anace

      Dhuzi na guwa yanu ikulu ya ntsembe, imwe Yahova wa anyankhondo,

      Mambo wanga na Mulungu wanga!

       4 Anyakutsandzaya ndi ale anakhala panyumba yanu!+

      Iwo asapitiriza kukusimbani.+ (Sela)

  • Masalmo 84:10
    Bhibhlya ya Dziko Ipswa

    • 10 Kukhala ntsiku ibodzi panyumba panu ndi kwadidi kakamwe kupiringana ntsiku 1.000 ku mbuto inango!+

      Ndasankhula kulimira pansuwo wa nyumba ya Mulungu wanga

      Mʼmbuto mwakukhala mʼmisasa ya anyakucita pyakuipa.