• Dheuteronomyo 4:34
    Bhibhlya ya Dziko Ipswa

    • 34 Peno Mulungu asankhula kale mbumba yace pakati pa mbumba zinango, mbapangiza kutonga kwace, pidzindikiro, pirengo,+ nkhondo,+ mphambvu ya djanja yace, nkono wace wamphambvu,+ na mabasa akugopesa,+ ninga pidakucitirani Yahova Mulungu wanu ku Ejitu, mbamuona mwekha na maso anu?

  • Neemiya 9:10
    Bhibhlya ya Dziko Ipswa

    • 10 Penepo, imwe mwacita pidzindikiro na pirengo toera kutcunyusa Farau na atumiki ace onsene,+ pabodzi na anthu onsene a mu dziko yace, thangwi imwe mukhadziwa kuti iwo athabusa+ mbumba yanu. Imwe mwapasika dzina yakuti isapitiriza mpaka lero.+

  • Masalmo 105:27-36
    Bhibhlya ya Dziko Ipswa

    • 27  Iwo acita pidzindikiro pakati pawo,

      Pontho acita pirengo pyace mu dziko ya Kamu.+

      28 Mulungu atumiza cidima mu dziko ya Ejitu;+

      Iwo akhabvera mafalace.

      29 Iye acinja madzi awo kudza ciropa,

      Pontho apha ntsomba zawo.*+

      30 Dziko yawo yadzala na matesi+

      Ngakhale mʼmakwartu a amambo awo.

      31 Iye acitisa kuti ntcentce

      Na imbu zipite mupisa pyawo pyonsene.+

      32 Iye acitisa kuti matalala abvumbe ninga madzi,

      Pontho atumiza piphaliwali* mu dziko mwawo.+

      33 Iye apha miti yawo ya mauva na ya misambvu,

      Pontho agwisa miti ya mu dziko mwawo.

      34 Iye atonga kuti anyadzombe apite mʼmbuto zonsene,

      Anyadzombe angʼono akukhonda lengeseka.+

      35 Iwo adya pinthu pyonsene pidamera mu dziko ineyi,

      Pontho iwo adya pinthu pidamera mʼminda.

      36 Buluka penepo iye apha ana onsene autombo a mu dziko yawo,+

      Akuti ndi kutoma kwa mphambvu yawo yakubala.