• Masalmo 40:5
    Bhibhlya ya Dziko Ipswa

    •  5 Yahova Mulungu wanga,

      Imwe mwacita pinthu pizinji kakamwe,

      Mabasa anu akudzumisa ndi mazinji, pontho pinanyerezera imwe kuna ife ndi pizinji.+

      Nkhabepo unango ninga imwe;+

      Ndikhafuna kulonga peno kufokotoza mabasa anu onsene,

      Mbwenye ndi mazinji kakamwe toera kualonga!+

  • Ekleziaste 3:11
    Bhibhlya ya Dziko Ipswa

    • 11 Pinthu pyonsene iye apicita mwakubalika pa ndzidzi wakuthema.+ Iye aikhambo muntima mwawo cifuno cakukhala kwenda na kwenda; ngakhale tenepo, anthu cipo anabvesesa mwakukwana basa ya Mulungu wandimomwene.*

  • Apokalipse 15:3
    Bhibhlya ya Dziko Ipswa

    • 3 Iwo akhaimba nyimbo ya Mose+ ntumiki wa Mulungu na nyimbo ya Mwanabira,+ mbati:

      “Yahova* Mulungu, Wamphambvu Zonsene,+ mabasa anu+ ndi makulu na akudzumisa. Njira zanu+ ndi zakulungama na zandimomwene, imwe Mambo wakwenda na kwenda.+