30 “Pinthu pyenepi pyonsene pidalongwa mʼmafala anewa pingakucitikirani, nkhombo na dzedze idaikha ine pakati panu,+ pontho imwe mungakumbuka+ mafala anewa pakati pa mbumba zonsene zinafuna kukubalalisani Yahova Mulungu wanu,+ 2 mungabwerera kuna Yahova Mulungu wanu,+ imwe pabodzi na ananu, mbamubvera fala yace na ntima wanu onsene, na umaso wanu onsene,+ mwakubverana na pinthu pyonsene pinakupangani ine lero, 3 Yahova Mulungu wanu anakubweresani pontho kuno buluka ku ubitcu wanu;+ iye anakubverani ntsisi,+ mbakugumanyani pontho buluka ku madzindza adakubalalisani Yahova Mulungu wanu.+

24 Ine ndinakubulusani mʼmadzindza anango mbandikugumanyani buluka mʼmadziko onsene; buluka penepo, ine ndinadzakubwezani ku dziko yanu.+