24 Iwo anʼkhomera pamuti mbagawana nguwo zace mukucita pyakulotera toera kuona kuti mʼbodzi na mʼbodzi mbadakwatanji.+

34 Mbwenye Yezu akhalonga: “Baba, alekerereni pyawo, thangwi iwo nkhabe dziwa pinacita iwo.” Kusiyapo pyenepi, iwo agawana nguwo zace mukucita pyakulotera.+

23 Anyankhondo pidamala iwo kukhomera Yezu pamuti, akwata nguwo zace mbazigawa mapindi manai mbagawana, nyankhondo mʼbodzi na mʼbodzi akwata phindi yace. Iwo akwatambo nguwo yace inacemerwa tunika. Mbwenye tunika ineyi nee ikhali na nsono, ikhali nguwo ibodzi ene buluka padzulu mpaka pantsi. 24 Natenepa iwo alonga okha-okha: “Mbatilekeni kuipandula, mbwenye tendeni ticite pyakulotera toera tione kuti inakhala na ani.”+ Pyenepi pyacitika toera kukwanirisa khundu ya Malemba inalonga kuti: “Iwo agawana nguwo zanga, pontho acita pyakulotera thangwi ya nguwo yanga.”+ Mwandimomwene, anyankhondo acitadi pinthu pyenepi.