• 1 Samweli 15:22
    Bhibhlya ya Dziko Ipswa

    • 22 Penepo Samweli alonga: “Kodi Yahova asakomerwa kakamwe na ntsembe zakupiswa na ntsembe zinango+ kupiringana kubvera fala ya Yahova? Kubvera ndi kwakufunika kakamwe kupiringana ntsembe,+ pontho kubvesera mwadidi ndi kwakufunika kakamwe kupiringana mafuta+ a mabira amuna;

  • Izaiya 1:11
    Bhibhlya ya Dziko Ipswa

    • 11 Yahova alonga: “Ntsembe zizinji zinapereka imwe ziri na basa yanji kuna ine?+

      Ine ndaneta na ntsembe zanu zakupiswa za mabira+ na mafuta a pinyama pyakununa,+

      Pontho ine nkhabe kukomerwa na ciropa+ ca ngʼombe zingʼono zimuna,+ ciropa ca anamabira na ca mbuzi.+

  • Yeremiya 7:22, 23
    Bhibhlya ya Dziko Ipswa

    • 22 Thangwi pa ntsiku idabulusa ine ambuyanu mu dziko ya Ejitu, ine nee ndalonga nawo peno kuapanga cinthu thangwi ya ntsembe zakupiswa na ntsembe zinango.+ 23 Mbwenye ine ndaapasa ntemo uyu: “Bverani fala yanga, ine ndinadzakhala Mulungu wanu, imwe mbamukhala mbumba yanga.+ Ndzidzi onsene fambani munjira inafuna ine kukupangizani toera pinthu pyonsene pikufambireni mwadidi.”’+

  • Ozeya 6:6
    Bhibhlya ya Dziko Ipswa

    •  6 Thangwi ine ndisakomerwa na ufuni wakukhonda mala,* tayu ntsembe,

      Pontho ndisakomerwa na udziwisi wa Mulungu, tayu na ntsembe zonsene zakupiswa.+