• Esdhra 1:1, 2
    Bhibhlya ya Dziko Ipswa

    • 1 Pa caka cakutoma ca utongi wa Siro+ Mambo wa ku Persya, toera akwanirisike mafala a Yahova adalongwa na Yeremiya,+ Yahova akulumiza ntima wa Siro Mambo wa ku Persya toera akhazikise ntemo mu umambo wace onsene, mbaulembambo m’matsamba.+ Ntemo unoyu ukhalonga tenepa:

      2 “Ipi ndi pinalonga Siro Mambo wa ku Persya: ‘Yahova Mulungu wakudzulu andipasa maumambo onsene a pa dziko yapantsi,+ iye andisankhula toera ndim’mangire nyumba ku Yerusalemu,+ mu dziko ya Yuda.

  • Izaiya 41:25
    Bhibhlya ya Dziko Ipswa

    • 25 Ine ndacemera munthu bulukira kunkwiriro, pontho iye anabwera,+

      Munthu wakumabulukiro a dzuwa+ wakuti anadzacemera dzina yanga.

      Iye anadzaponda-ponda atongi ninga dongo,+

      Ninga pinacita nyakuumba pikalango na dongo.

  • Izaiya 45:1
    Bhibhlya ya Dziko Ipswa

    • 45 Ipi ndi pidalonga Yahova kuna nyakudzodzwa wace Siro,+

      Ule adaphata ine djanja yace yamadyo+

      Toera ndikunde madzindza a anthu pamaso pace,+

      Toera ndimalise mphambvu za amambo,

      Toera kufungula pamaso pace misuwo miwiri yakuphatanizwa,

      Natenepa misuwo mikulu nee inadzafungwa:

  • Izaiya 46:11
    Bhibhlya ya Dziko Ipswa

    • 11 Ine ndinadzacemera capungu kumabulukiro a dzuwa,+

      Ndinadzacemera munthu bulukira ku dziko yakutali toera abwere kudzacita pinafuna ine.+

      Ine ndalonga pyenepi, pontho ndinadzapicita.

      Ine ndakhazikisa cifuniro canga, pontho ndinacikwanirisa.+

  • Dhanyeli 10:1
    Bhibhlya ya Dziko Ipswa

    • 10 Mu caka cacitatu ca Siro Mambo+ wa ku Persya, Dhanyeli wakuti akhacemerwa Bheltisezari+ atambira mphangwa zakubuluka kuna Mulungu. Mphangwa zenezi zikhali zandimomwene, pontho zikhalonga thangwi ya nkhondo ikulu. Dhanyeli abvesesa mphangwa zidapangwa iye na pinthu pidaona iye.