• Izaiya 12:1
    Bhibhlya ya Dziko Ipswa

    • 12 Mwandimomwene pa ntsiku ineyi unadzalonga:

      “Ndisapereka takhuta kuna imwe Yahova,

      Thangwi maseze imwe mukhadaipirwa na ine,

      Mwapangʼono-pangʼono ukali wanu wapunguka mbamundibalangaza.+

  • Yeremiya 31:12
    Bhibhlya ya Dziko Ipswa

    • 12 Iwo anadzabwera, mbakhuwa mwakutsandzaya padzulu Paphiri ya Sioni,+

      Pontho iwo anadzatsandzaya thangwi ya kukoma ntima kwa Yahova,

      Anadzatsandzaya na pyakudya, na vinyu ipswa,+ pontho na mafuta a azeti,

      Anadzatsandzayambo na anamabira na anangʼombe.+

      Iwo anadzakhala ninga munda wa maluwa wakuthirirwa mwadidi,+

      Iwo cipo anadzabunyala pontho.”+

  • Sofoniya 3:14, 15
    Bhibhlya ya Dziko Ipswa

    • 14 Khuwa mwakukomerwa iwe mwana wankazi wa Sioni!

      Khuwa mwakutsandzaya iwe Izraeli!+

      Iwe mwana wankazi wa Yerusalemu,+ tsandzaya, pontho komerwa na ntima wako onsene!

      15 Yahova amalisa kutcunyuswa kukhali na iwe.+

      Iye acitisa nyamalwa wako kubwerera nduli.+

      Yahova, Mambo wa Izraeli ali pakati pako.+

      Iwe nee unadzagopabve nyatwa.+