-
Izaiya 2:3, 4Bhibhlya ya Dziko Ipswa
-
-
3 Anthu a madzindza mazinji anadzabwera, mbalonga:
“Bwerani, tendeni tikwire paphiri ya Yahova,
Nyumba ya Mulungu wa Yakobe.+
Iye anadzatipfundzisa njira zace,
Pontho ife tinadzafamba munjira zenezi.”+
4 Iye anadzakhala ntongi wa madzindza a anthu,
Pontho iye anadzasasanyira pinthu pyakuti nee piri mwadidi pakati pawo.
Iwo anadzafula* masupada awo toera akhale pyakulima napyo,*
Pontho anadzafula madipa awo toera akhale pyakusadza* napyo.+
Nkhabepo mbumba inafuna kudzakwata supada toera kumenyana na mbumba inango,
Pontho iwo nkhabe kudzapfundzabve nkhondo.+
-
-
Izaiya 11:6-9Bhibhlya ya Dziko Ipswa
-
-
6 Bindzi inadzakhala pabodzi na mwanabira,+
Nyalugwe anadzagona pabodzi na mwanambuzi,
Mwanangʼombe, nkhalamu na pinyama pyakununa pinadzakhala pabodzi;*+
Pontho mwanangʼono ndiye anafuna kupitsogolera.
7 Ngʼombe na ursu* pinadzadya pabodzi,
Pontho anawo anadzagona pabodzi.
Nkhalamu inadzadya tsanga ninga ngʼombe.+
8 Mwana wakuyamwa anadzasendzeka pa mwida* wa nyoka,
Pontho mwana wakuti asiya kuyamwa anadzaikha djanja yace mʼmphako ya nyoka yakugopswa.
9 Paphiri yanga yonsene yakucena, nee panadzacitika pyakuipa+
Peno pinthu pyakuphekesa,+
Thangwi dziko yapantsi inadzadzala na cidziwiso ca Yahova
Ninga kudzala kwa madzi mʼbara.+
-