30 “Pinthu pyenepi pyonsene pidalongwa mʼmafala anewa pingakucitikirani, nkhombo na dzedze idaikha ine pakati panu,+ pontho imwe mungakumbuka+ mafala anewa pakati pa mbumba zonsene zinafuna kukubalalisani Yahova Mulungu wanu,+ 2 mungabwerera kuna Yahova Mulungu wanu,+ imwe pabodzi na ananu, mbamubvera fala yace na ntima wanu onsene, na umaso wanu onsene,+ mwakubverana na pinthu pyonsene pinakupangani ine lero, 3 Yahova Mulungu wanu anakubweresani pontho kuno buluka ku ubitcu wanu;+ iye anakubverani ntsisi,+ mbakugumanyani pontho buluka ku madzindza adakubalalisani Yahova Mulungu wanu.+

20 Iwo anadzabweresa abale anu onsene ninga muoni kuna Yahova kubulukira mʼmadzindza onsene,+ iwo anadzabwera mʼmakavalo, mu ngolo zikulu na zingʼono, mʼmaburu na mʼmakamelo akuthamanga kakamwe mpaka kufika paphiri yanga yakucena ku Yerusalemu,” alonga Yahova, “ninga pinacita mbumba ya Izraeli ingabweresa muoni mu pyombo pyakucena panyumba ya Yahova.”

6 Ndinapitiriza kuaonera toera pinthu piafambire mwadidi, ine ndinadzaabweresa pontho mu dziko ino.+ Ndinadzaawangisa, pontho nee ndinadzaafudza; ndinadzaatceka, pontho nee ndinadzaadula.+

24 Ine ndinakubulusani mʼmadzindza anango mbandikugumanyani buluka mʼmadziko onsene; buluka penepo, ine ndinadzakubwezani ku dziko yanu.+