• Ezekiyeli 25:16
    Bhibhlya ya Dziko Ipswa

    • 16 Natenepa, ipi ndi pidalonga Yahova, Mbuya Wankulu Kakamwe: “Ine ndinadzafuthula djanja yanga toera kutcunyusa Afilisti,+ ndinadzamalisa dzindza ya Akereti;+ pontho anthu anakhala nʼkhundu mwa bara, ndinadzafudza ale anafuna kusalikira.+

  • Yoeli 3:4
    Bhibhlya ya Dziko Ipswa

    •  4 Iwe Tiro, Sidhoni na pisa pyonsene pya ku Filistiya,

      Musafunanji kuna ine?

      Pana cakuipa cidakucitirani ine toera mundibwezere?

      Khala imwe mukundibwezera,

      Ine ndinadzakubwezeranimbo mwakucimbiza kakamwe mwakubverana na pinthu pidandicitira imwe.+

  • Amosi 1:6-8
    Bhibhlya ya Dziko Ipswa

    •  6 Ipi ndi pidalonga Yahova:

      ‘“Nakuti Gaza+ andisandukira mwakubwereza-bwereza,* ine nee ndinadzabwerera nduli,

      Thangwi iwo akwata nsoka onsene wa ale adaendeswa ku ubitcu+ mbaapereka mʼmanja mwa Edhomi.

       7 Natenepa ine ndinadzatumiza moto kuna mpanda wa Gaza,+

      Pontho moto unoyu unadzapisa nyumba zace zakuwanga.

       8 Ine ndinadzapha anthu a ku Asidhodhe,+

      Pontho ndinadzapha ule anatonga* ku Asikaloni;+

      Ine ndinadzatcunyusa Ekroni,+

      Pontho Afilisti anafuna kusala, anadzamala kufa,”+ adapilonga ndi Yahova Mbuya Wankulu Kakamwe.’

  • Sofoniya 2:4
    Bhibhlya ya Dziko Ipswa

    •  4 Thangwi Gaza unadzakhala nzinda wakusowa anthu;

      Pontho Asikaloni anadzakhala madembe.+

      Asidhodhe anadzathamangiswa dzuwa mbiri bvuu,*

      Pontho Ekroni anadzafudzwa.+

  • Zakariya 9:5
    Bhibhlya ya Dziko Ipswa

    •  5 Asikaloni anadzaona pyenepi mbagopa;

      Gaza anadzadzudzumika kakamwe,

      Kuphatanizambo Ekroni thangwi akhanyindira iye anadzapaswa manyadzo.

      Gaza nee anadzakhalabve na mambo,

      Pontho mu Asikaloni nee munadzakhalabve anthu.+