• Izaiya 44:14, 15
    Bhibhlya ya Dziko Ipswa

    • 14 Pana unango wakuti asagwanda miti ya sedhro.

      Iye asasankhula ntundu unango wa muti, muti ukulu,

      Pontho iye asautsalakana toera ukhale ukulu kakamwe pakati pa miti inango ya mu nsitu.+

      Iye atceka muti,* pontho madzi asacitisa muti unoyu kukula.

      15 Buluka penepo, munthu asaikha pa moto muti unoyu mbukhala ninga nkhuni.

      Khundu inango, iye asaigasa toera kuotha;

      Khundu inango asagasa nayo moto toera kuphika nkate.

      Kusiyapo pyenepi, iye asacita mulungu na muti unoyu mbaulambira.

      Iye asacinja muti unoyu mbudza dzimunthu yakusemwa, pontho asagodama pamaso pa dzimunthu ineyi.+

  • Izaiya 45:20
    Bhibhlya ya Dziko Ipswa

    • 20 Gumanyikanani mbamubwera.

      Ndifendedzereni imwe adapulumuka kuna madzindza anango.+

      Ale anathukula madzimunthu akusemwa, nkhabe cinadziwa iwo,

      Pontho asacita phembero kuna mulungu wakuti nee anaapulumusa.+

  • Abhakuki 2:18
    Bhibhlya ya Dziko Ipswa

    • 18 Kodi dzimunthu yakusemwa,

      Yakuti yasemwa na munthu iri na basa yanji?

      Dzimunthu ya utale* na mpfundzisi wauthambi piri na basa yanji,

      Maseze adapicita asapinyindira,

      Mbacita alungu akusowa basa akuti nkhabe kulonga?+