7 “Thangwi ipi ndi pidalonga Yahova, Mbuya Wankulu Kakamwe: ‘Ine ndinabweresa Nabhukodhonozore mambo wa ku Bhabhilonya, buluka kunkwiriro+ toera kumenyana na Tiro; iye ndi mambo wa amambo,+ ali na makavalo,+ ngolo za nkhondo,+ anyamakavalo na nsoka wa anyankhondo azinji. 8 Iye anadzapha na supada anthu a mupisa pyako pya kuntunda, anadzamanga mpanda nʼkhundu mwako toera kukufungira, anadzacita nthunda toera kumenyana na iwe, pontho iye anadzatsidzikizika na xango ikulu.