• Masalmo 115:4-7
    Bhibhlya ya Dziko Ipswa

    •  4 Alungu* awo acitwa na parata na ouro,

      Pinthu pidacitwa na manja a anthu.+

       5 Iwo ali na mulomo, mbwenye nkhabe kwanisa kulonga;+

      Ali na maso, mbwenye nkhabe kwanisa kuona;

       6 Iwo ali na makutu, mbwenye nkhabe kwanisa kubva;

      Iwo ali na mphuno, mbwenye nkhabe kwanisa kubva khwema;

       7 Iwo ali na manja, mbwenye nkhabe kwanisa kuphata cinthu;

      Iwo ali na miyendo, mbwenye nkhabe kwanisa kufamba;+

      Iwo nkhabe kubulusa fala na kholongo yawo.+

  • Izaiya 46:6, 7
    Bhibhlya ya Dziko Ipswa

    •  6 Alipo ale anagubudza ouro mʼmaborosa mwawo;

      Mbapima parata pa bhalansa.

      Iwo asasaka nyakufula utale toera acite mulungu na parata ineyi.+

      Buluka penepo iwo asagodamira dzimunthu ineyi mbailambira.+

       7 Iwo asaikwata mbaiikha mʼmapewa mwawo;+

      Iwo asaithukula mbaiikha pa mbuto payo, pontho iyo isakhala penepo dzololo.

      Iyo nkhabe buluka pa mbuto payo.+

      Iwo asaicemera, mbwenye iyo nkhabe tawira;

      Iyo nkhabe kupulumusa munthu angakhala pa nyatwa.+