• Ozeya 2:12
    Bhibhlya ya Dziko Ipswa

    • 12 Ine ndinadzafudza miti yace ya mauva na miti yace ya misambvu, ire ikhalonga iye kuti:

      “Iyi ndi miti idalipwa ine, idapaswa ine na amuna anandifuna”;

      Mbwenye ine ndinadzacitisa miti ineyi kukhala nsitu ukulu,

      Pontho iyo inadzafudzwa na pinyama pya ntsanga.

  • Mikeya 1:7
    Bhibhlya ya Dziko Ipswa

    •  7 Madzimunthu ace onsene akusemwa anadzagwandwa-gwandwa,+

      Pontho miyoni yonsene ikhatambira iye thangwi ya ulukwali ukhacita iye, inadzapiswa na moto.+

      Ine ndinadzafudza madzimunthu ace onsene.

      Samariya akhala na pinthu pyenepi pyonsene thangwi ya kobiri idagumana iye pakucita ulukwali,

      Pontho pinthu pyenepi pinadzakwatwa toera kuenda kalipa napyo maputa a ku mbuto inango.”