• Izaiya 2:4
    Bhibhlya ya Dziko Ipswa

    •  4 Iye anadzakhala ntongi wa madzindza a anthu,

      Pontho iye anadzasasanyira pinthu pyakuti nee piri mwadidi pakati pawo.

      Iwo anadzafula* masupada awo toera akhale pyakulima napyo,*

      Pontho anadzafula madipa awo toera akhale pyakusadza* napyo.+

      Nkhabepo mbumba inafuna kudzakwata supada toera kumenyana na mbumba inango,

      Pontho iwo nkhabe kudzapfundzabve nkhondo.+

  • Ezekiyeli 39:9
    Bhibhlya ya Dziko Ipswa

    • 9 Anthu anakhala mʼmizinda ya Izraeli anadzabuluka, pontho anadzakwata pida pya nkhondo, mbagasa napyo moto. Pida pyenepi ndi maxango makulu na mangʼono, mauta na mapswimo, mitcamu na madipa. Iwo anadzagasa moto+ na pinthu pyenepi mu pyaka pinomwe.

  • Zakariya 9:10
    Bhibhlya ya Dziko Ipswa

    • 10 Ine ndinadzabulusa ngolo za nkhondo mu Efraimu,

      Pontho ndinadzabulusa makavalo mu Yerusalemu.

      Mauta akumenya nawo nkhondo anadzabuluswa.

      Iye anadzadziwisa madzindza anango pya ntendere;+

      Utongi wace unadzatoma kukhundu ibodzi ya bara mpaka kukhundu inango,

      Pontho kutomera kukhundu ibodzi ya Nkulo* mpaka kunkhomo kwa dziko yapantsi.+