25 Mbwenye Yezu aacemera, mbaapanga: “Imwe musadziwa kuti atongi a dziko asatonga anthu ninga munafunira iwo, pontho akulu-akulu asaphatisira mphambvu zawo toera kuponderera anthu.+

25 Mbwenye Yezu, aapanga: “Imwe musadziwa kuti atongi a dziko asatonga anthu ninga munafunira iwo, pontho akulu-akulu awo asacemerwa anthu adidi anaphedza andzawo.+

2 Kumbizani nkumbi wa mabira a Mulungu+ adapereka iye mʼmanja mwanu, mbamutumikira ninga ayangʼaniri,* tayu mwakukakamizwa, mbwenye na ntima onsene pamaso pa Mulungu;+ tayu thangwi yakufuna kuwina cinthu,+ mbwenye thangwi yakufuna kwanu; 3 mbamukhonda kukhala ninga atongi kuna ale adaperekwa na Mulungu mʼmanja mwanu,*+ mbwenye mupangize makhaliro adidi akuti nkumbi wa mabira+ unakwanisa kuatowezera.