• Izaiya 53:8
    Bhibhlya ya Dziko Ipswa

    •  8 Thangwi yakutongwa mwakusowa ulungami,* iye akwatwa;

      Pontho mbani anafuna kudzudzumika na mphangwa zinalonga pya dzindza yace?*

      Iye agwandwa mu dziko ya anthu ali mʼmaso;+

      Iye amenywa* thangwi ya madawo a mbumba yanga.+

  • Izaiya 53:12
    Bhibhlya ya Dziko Ipswa

    • 12 Na thangwi ineyi, ndinadzampasa khundu yace pabodzi na anango,

      Pontho iye anadzagawana pyakutapatwa na anthu amphambvu

      Thangwi iye apereka umaso wace mpaka kufa,+

      Pontho aoniwa ninga mʼbodzi wa anyakudawa;+

      Iye athukula madawo a anthu azinji,+

      Pontho iye apita pakati toera kuphedza anyakudawa.+

  • Dhanyeli 9:26
    Bhibhlya ya Dziko Ipswa

    • 26 “Pakupita masumana 62 Mesiya anadzaphiwa,+ pontho nee anadzasiya cinthu.+

      “Nsoka wa anyankhondo wa ntsogoleri wakuti akubwera, unadzafudza nzinda na mbuto yakucena.+ Mbuto yakucena inadzazambazika na madzi akudzala. Pontho panadzaoneka nkhondo mpaka kunkhomo; mwakubverana na pidatonga Mulungu, panadzaoneka kufudzwa.+

  • 1 Pedhru 2:24
    Bhibhlya ya Dziko Ipswa

    • 24 Iye akwata madawo athu+ mʼmanungo mwace pidakhomerwa iye pamuti wakusikimizira,+ toera ife tikhale akufa ku madawo, mbwenye tikhale mʼmaso toera kucita pinthu pyakulungama. Pontho “thangwi ya pironda pyace, imwe mwawangiswa.”+