43 Natenepa, Yezu acemera anyakupfundzace, mbaapanga: “Mwandimomwene ine ndinakupangani kuti nzice uyu wakutcerenga aikha pizinji kupiringana anango onsene adaikha kobiri mʼmabokosi akuikhira kobiri.+ 44 Thangwi iwo onsene aikhamo pire pidapambula iwo mu mpfuma zawo, mbwenye iye, mu utcerengi wace, aikha pinthu pyonsene pikhali na iye, pyonsene pikhali na iye toera kutsalakana umaso wace.”+