Ezekiyeli
19 “Imba nyimbo yaciliro thangwi ya akulu-akulu a mu Izraeli. 2 Longa kuti:
‘Mai wako akhali ani? Akhali nkhalamu ikazi pakati pa nkhalamu zimuna.
Iyo ikhagona pakati pa nkhalamu zamphambvu, pontho yakuza anace.
3 Nkhalamu ineyi yakuza mwanace mʼbodzi, mbakhala nkhalamu yamphambvu.+
Iyo yapfundza kupha cinyama,
Mpaka kudya anthu.
4 Anthu a madzindza anango abva kulonga pya nkhalamu ineyi, aikumbira djenje mbaiphata,
Iwo aimanga mʼmphuno mwace, mbaenda nayo ku dziko ya Ejitu.+
5 Iyo yadikhira kuti mwanace mbadabwerera, mbwenye pakumalisa, yaona kuti nee ikhali na cidikhiro cakuti mwanace mbadabwerera.
Natenepa, iyo yakwata mwanace unango, ankuza mbakhala nkhalamu yamphambvu.
6 Iyo yafamba pabodzi na nkhalamu zinango mbidzakhala nkhalamu yamphambvu.
Iyo yapfundza kupha cinyama, pontho yadya anthu.+
7 Iyo yazungulira nyumba za mipanda yakuwanga, mbifudza mizinda,
Natenepa, kulira kwayo+ kwabveka mu dziko ineyi yonsene idasala madembe.
8 Madzindza a maprovinsya anango abwera kudzaiteyera nsampha,
Natenepa, iwo aiphata nʼdjenje.
9 Na nkhambala, iwo aiikha nʼthanga, buluka penepo, aenda nayo kuna mambo wa ku Bhabhilonya.
Natenepa, iwo aifungira kweneko, toera fala yace ikhonde kubveka pontho mʼmapiri a Izraeli.
10 Mai wako akhali ninga muti wa mauva+ mu ciropa cako, udatcekwa dhuzi na madzi.
Iwo ukhabala misapo, pontho ukhali na nthawi zizinji thangwi ya kunjipa kwa madzi.
11 Nthawi zace zakula mbazikhala zakuwanga, zakuthema toera kucita ndodo za amambo.
Muti unoyu wakula mbudzakhala wakulapha kakamwe kupiringana miti inango,
Iwo mbudakwanisa kuoniwa na kutali thangwi yakulapha kwawo, pontho thangwi ya masamba ace mazinji.
12 Mbwenye thangwi yakuipirwa, iwo wadulwa na mitcitci ene+ mbugwiswa pantsi,
Pontho mphepo yakumabulukiro a dzuwa yaumisa misapo yace.
Nthawi zace zakuwanga zagwandwa mbaziuma,+ pontho zapya na moto.+
13 Cincino, muti unoyu watcekwa nʼthando,
Mu dziko ya mataka akuuma na yakusowa madzi.+
14 Moto unoyu wamwazika buluka mu nthawi zace, mbupisa nthawi zace zitete na misapo yace,
Nkhabe nthawi yakuwanga idasala, nee ndodo toera kutonga nayo.+
“‘Ineyi ndi nyimbo yaciliro yakuti inadzadziwika kakamwe.’”