BHIBHLIYOTEKA MU INTERNETI ya Torre de Vigia
Ncenjezi
ya Torre de Vigia
Cisena
  • BHIBHLYA
  • MABUKHU
  • MISONKHANO
  • 1 Kronika 4
  • Bhibhlya ya Dziko Ipswa

Nkhabe kugumanika vidhyu pa khundu ino.

Munatilekerera, paoneka madodo pakupangiza vidhyu.

Mphangwa za m’Bukhu ya 1 Kronika

      • Anthu anango a dzindza ya Yuda (1-23)

        • Yabhezi na phembero idacita iye (9, 10)

      • Anthu a dzindza ya Simeoni (24-43)

1 Kronika 4:1

Malemba Akubverana

  • +Gen 38:29; Num 26:20; Rut 4:18; Mat 1:3
  • +Gen 46:12; 1Kr 2:5
  • +Eks 17:12; 24:14; 1Kr 2:19
  • +1Kr 2:50

1 Kronika 4:2

Malemba Akubverana

  • +1Kr 2:53

1 Kronika 4:3

Malemba Akubverana

  • +2Kr 11:5, 6

1 Kronika 4:4

Malemba Akubverana

  • +1Kr 2:19
  • +Mik 5:2

1 Kronika 4:5

Malemba Akubverana

  • +1Kr 2:24
  • +2Kr 11:5, 6

1 Kronika 4:9

Pidzindikiro Pyapantsi

  • *

    Dzina ya Yabhezi panango ndi fala Yacihebheri yakuti isabveka “Kubva Kupha.”

1 Kronika 4:13

Pidzindikiro Pyapantsi

  • *

    Fala na Fala: “Ana a.”

Malemba Akubverana

  • +Yos 15:16, 17; Ato 3:9, 11

1 Kronika 4:14

Pidzindikiro Pyapantsi

  • *

    Dzina ineyi isabveka “Gowa ya Amesiri.”

1 Kronika 4:15

Pidzindikiro Pyapantsi

  • *

    Fala na Fala: “Ana a.”

Malemba Akubverana

  • +Num 32:11, 12; Yos 15:13

1 Kronika 4:17

Pidzindikiro Pyapantsi

  • *

    Panango ndi Bhitiya analongwa pa vesi 18.

1 Kronika 4:21

Malemba Akubverana

  • +Gen 38:2, 5; Num 26:20

1 Kronika 4:24

Malemba Akubverana

  • +Gen 46:10
  • +Num 26:12, 13

1 Kronika 4:27

Malemba Akubverana

  • +Num 26:22

1 Kronika 4:28

Malemba Akubverana

  • +Yos 19:1, 2
  • +Yos 15:21, 26
  • +Yos 15:21, 28; 19:1, 3; Nee 11:25-27

1 Kronika 4:29

Malemba Akubverana

  • +Yos 15:21, 29

1 Kronika 4:30

Malemba Akubverana

  • +Yos 19:1, 4
  • +Ato 1:17
  • +Yos 15:20, 31; 19:1, 5; 1Sa 27:5, 6

1 Kronika 4:31

Malemba Akubverana

  • +Yos 19:1, 5

1 Kronika 4:32

Malemba Akubverana

  • +Yos 19:1, 7

1 Kronika 4:40

Malemba Akubverana

  • +Gen 10:6, 20

1 Kronika 4:41

Malemba Akubverana

  • +2Kr 29:1

1 Kronika 4:42

Malemba Akubverana

  • +Gen 36:8

1 Kronika 4:43

Malemba Akubverana

  • +Eks 17:14, 16; 1Sa 15:7

Malemba Anango

1Kr. 4:1Gen 38:29; Num 26:20; Rut 4:18; Mat 1:3
1Kr. 4:1Gen 46:12; 1Kr 2:5
1Kr. 4:1Eks 17:12; 24:14; 1Kr 2:19
1Kr. 4:11Kr 2:50
1Kr. 4:21Kr 2:53
1Kr. 4:32Kr 11:5, 6
1Kr. 4:41Kr 2:19
1Kr. 4:4Mik 5:2
1Kr. 4:51Kr 2:24
1Kr. 4:52Kr 11:5, 6
1Kr. 4:13Yos 15:16, 17; Ato 3:9, 11
1Kr. 4:15Num 32:11, 12; Yos 15:13
1Kr. 4:21Gen 38:2, 5; Num 26:20
1Kr. 4:24Gen 46:10
1Kr. 4:24Num 26:12, 13
1Kr. 4:27Num 26:22
1Kr. 4:28Yos 19:1, 2
1Kr. 4:28Yos 15:21, 26
1Kr. 4:28Yos 15:21, 28; 19:1, 3; Nee 11:25-27
1Kr. 4:29Yos 15:21, 29
1Kr. 4:30Yos 19:1, 4
1Kr. 4:30Ato 1:17
1Kr. 4:30Yos 15:20, 31; 19:1, 5; 1Sa 27:5, 6
1Kr. 4:31Yos 19:1, 5
1Kr. 4:32Yos 19:1, 7
1Kr. 4:40Gen 10:6, 20
1Kr. 4:412Kr 29:1
1Kr. 4:42Gen 36:8
1Kr. 4:43Eks 17:14, 16; 1Sa 15:7
  • Bhibhlya ya Dziko Ipswa
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30
  • 31
  • 32
  • 33
  • 34
  • 35
  • 36
  • 37
  • 38
  • 39
  • 40
  • 41
  • 42
  • 43
Bhibhlya ya Dziko Ipswa
1 Kronika 4:1-43

Kronika Wakutoma

4 Ana a Yuda akhali Peresi,+ Ezironi,+ Karmi, Huri+ na Sobhali.+ 2 Reaya mwana wa Sobhali abala Yaati; Yaati abala Aumai na Ladhi. Anewa akhali a dzindza ya Azorati.+ 3 Awa akhali ana a pai wace Etami:+ Yezrieli, Isima, Idhibhasi, (m’bale wawo wankazi akhacemerwa Azeleponi), 4 Penuweli abala Jedhori, Ezeri abala Usa. Anewa akhali ana a Huri,+ wakuti akhali mwana wakutoma wa Efrata, pontho Huri akhali pai wace Bhetelehemu.+ 5 Asuri+ pai wace Tekoa+ akhali na akazi awiri: Ela na Naara. 6 Naara am’balira ana awa: Auzamu, Eferi, Temeni na Aastari. Anewa akhali ana a Naara. 7 Ana a Ela akhali Zereti, Izari na Etani. 8 Kozi abala Anubhi, Zobhebha na dzindza ya Ariyeli mwana wa Arumi.

9 Yabhezi akhalemedzwa kakamwe kupiringana abale ace. Mai wace ampasa dzina ya Yabhezi,* mbalonga: “Ndabva kupha pakum’bala.” 10 Yabhezi aphemba Mulungu wa Izraeli, mbalonga: “Ndipaseni nkhombo, pontho thimizirani cisa canga, djanja yanu mbikhale na ine mbamunditsidzikiza toera ndikhonde kucitikirwa na cinthu cakuipa!” Natenepa Mulungu ampasa pidaphemba iye.

11 Kelubhi m’bale wace Sua abala Meire pai wace Estoni. 12 Estoni abala Bheti-Rafa, Paseya na Teina pai wace Iri-Nasi. Anewa akhali amuna a ku Reka. 13 Ana a Kenazi akhali Otiniyeli+ na Seraya. Mwana wa* Otiniyeli akhali Atate. 14 Meonotai abala Ofra. Seraya abala Yoabhe pai wace Je-Arasimu;* apaswa dzina ineyi thangwi iwo akhali amesiri.

15 Ana a Kalebe+ mwana wa Yefune akhali Iru, Elaa na Naamu. Mwana wa* Elaa akhali Kenazi. 16 Ana a Yealeleli akhali Zifi, Zifa, Tiriya na Asareli. 17 Ana a Ezra akhali Yeteri, Meredhi, Eferi na Yaloni. Iye* akhala na mimba mbabala Miriya, Samai na Isabha pai wace Esitemowa. 18 (Nkazace Waciyuda abala Yeredhi pai wace Jedhori; Ebheri pai wace Soko; na Yekutieli pai wace Zanoa.) Anewa akhali ana a Bhitiya mwana wankazi wa Farau adasembwa na Meredhi.

19 Ana a nkazace Odhiya, wakuti akhali mwanankazi wa Naami ndiwo adabala Keila wa ku Garmite na Esitemowa wa ku Maakati. 20 Ana a Simoni akhali Aminoni, Rina, Bheni-Anani na Tiloni. Ana a Isi akhali Zoeti na Bheni-Zoeti.

21 Ana a Sela+ mwana wa Yuda akhali Eri pai wace Leka; Ladha abala Maresa; dzindza yace ikhali mbumba ya Asibheya akuti ndiwo akhacita nguwo zadidi kakamwe, 22 Yokimu, amuna a ku Kozebha, Yowasi, Sarafe (akuti asemba akazi a ku Moabhe) na Yasubhi-Lemu. Mphangwa zenezi ndi zakale. 23 Iwo akhali anyakuumba akakhala ku Netayimu na ku Jedhera. Iwo akakhala kweneko mbaphatira basa mambo.

24 Ana a Simeoni+ akhali Nemuweli, Yamini, Yaribhi, Zera na Sauli.+ 25 Sauli abala Salumu, Salumu abala Mibhisamu, Mibhisamu abala Misima. 26 Pontho Misima abala Amuweli, Amuweli abala Zakuri, Zakuri abala Simei. 27 Simei abala ana amuna 16 na ana akazi atanthatu. Mbwenye abale ace nee abala ana azinji, pontho nee m’bodzi wa mbumba yawo abala ana azinji ninga amuna a dzindza ya Yuda.+ 28 Iwo akakhala ku Bhersebha,+ Moladha,+ Azari-Suali,+ 29 Bhila, Ezemu,+ Toladhe, 30 Bhetuweli,+ Orma,+ Zikilage,+ 31 Bheti-Markabhoti, Azari-Suzimi,+ Bheti-Bhiri na ku Saraimu. Ineyi ikhali mizinda yawo mpaka pidatoma kutonga Dhavidhi.

32 Pisa pyawo pikhali Etami, Aini, Rimoni, Tokeni na Asani;+ yonsene ikhali mizinda mixanu, 33 pabodzi na pisa pinango pikhali n’khundu mwa mizinda ineyi mpaka ku Bhaale. Zenezi ndi mphangwa za ale adalemberwa mwakubverana na madzindza awo na mbuto zikakhala iwo. 34 Mesobhabhi, Yameleki, Yosa mwana wa Amaziya, 35 Yoeli, Jeu mwana wa Yosibhiya, wakuti ndi mwana wa Seraya; Seraya akhali mwana wa Azieli, 36 Elioenai, Yakobha, Yesowaya, Azaya, Adhiyeli, Yesimieli, Bhenaya, 37 Ziza mwana wa Sifi, Sifi mwana wa Aloni, Aloni mwana wa Yedhaya, Yedhaya mwana wa Simiri, Simiri mwana wa Semaya; 38 anthu anewa adalemberwa madzina awo akhali atsogoleri a madzindza pakati pa mbumba zawo, pontho mbumba zawo zathimizirika kakamwe. 39 Iwo aenda mpaka kumadire a cisa ca Jedhori, mbafika kumabulukiro a dzuwa a gowa toera kusaka thongwe yakudyesa mikumbi ya pifuyo pyawo. 40 Pakumalisa, iwo agumana mbuto yakuti ikhali na thongwe yadidi na yakunjipa, dziko ineyi ikhali ikulu, yantendere na yakusowa pinthu pyakudzudzumisa. Kale, anthu akakhala kweneko akhali a dzindza ya Kamu.+ 41 Mu ntsiku za Ezekiya+ mambo wa ku Yuda, amuna anewa adalemberwa madzina awo aenda kamenyana na anthu a dzindza ya Kamu na ya Meyuni akuti akhali mucisa ceneci. Iwo aafudza onsene, pontho iwo nee alipobve mpaka lero. Iwo akhala mu mbuto zawo, thangwi mbuto ineyi ikhali na thongwe toera kudyesa pifuyo pyawo.

42 Anthu anango a dzindza ya Simeoni aenda kucisa ca mapiri a ku Seiri.+ Akhali amuna 500 akhatsogolerwa na Pelatiya, Neariya, Refaya na Uzieli, akuti akhali ana a Isi. 43 Iwo apha Amaleki+ onsene akhadasala, ale akuti akhadathawa. Natenepa, iwo asapitiriza kukhala kweneko mpaka lero.

Mabukhu Acisena (1982-2025)
Bulukani
Fungulani
  • Cisena
  • Tumizirani Anango
  • Sankhulani Pinafuna Imwe
  • Copyright © 2025 Watch Tower Bible and Tract Society of Pennsylvania
  • Pinafunika Imwe Kutowezera
  • Cibisobiso
  • Configurações de Privacidade
  • JW.ORG
  • Fungulani
Tumizirani Anango