Misangani

15 Ntawiro wakukhurudzika* usapungula kuipirwa,+

Mbwenye mafala akudzidzida* asathimizira kuipirwa.+

 2 Lirimi ya munthu waudziwisi isaphatisira mwadidi cidziwiso,+

Mbwenye mulomo wa munthu wakusowa ndzeru usalonga pya udzemwa.

 3 Maso a Yahova ali konsene kwene,

Mbaona anthu adidi na akuipa ene.+

 4 Lirimi yakukhurudzika* ndi muti wakupasa umaso,+

Mbwenye mafala akuipa asatsukwalisa kakamwe.

 5 Munthu wakusowa ndzeru asapwaza kulanga kwa babace,+

Mbwenye munthu wandzeru asatawira kusandikwa.*+

 6 Panyumba ya munthu wakulungama pali na pinthu pizinji pya ntengo ukulu,

Mbwenye pinthu pinawina munthu wakuipa pisamʼbweresera nyatwa.+

 7 Milomo ya anthu audziwisi isamwaza cidziwiso,+

Mbwenye mitima ya anthu akusowa ndzeru nkhabe kucita pyenepi.+

 8 Ntsembe za anthu akuipa ndi zakunyanyasa kuna Yahova,+

Mbwenye iye asakomerwa na phembero ya anthu akulungama.+

 9 Yahova asanyanyasirwa na njira ya munthu wakuipa,+

Mbwenye iye asakomerwa na munthu anacita pinthu mwakulungama.+

10 Munthu anasiya njira asaona kulangwa ninga cinthu cakuipa,*+

Mbwenye ule anaida kulangwa anadzafa.+

13 Ntima wakukomerwa usatsandzayisa nkhope,

Mbwenye ntima wakutsukwala usatsukwalisa munthu.+

14 Ntima waudziwisi usasaka cidziwiso,+

Mbwenye milomo ya madzemwa isakomerwa na* udzemwa.+

15 Kuna munthu anathabuka, ntsiku zonsene ndi zakuipa.+

Mbwenye munthu wakutsandzaya muntima, asakhala wakukomerwa ntsiku zonsene.*+

16 Mphyadidi kukhala na pinthu pangʼono mbugopa Yahova,+

Kupiringana kukhala na mpfuma mbukhala wakudzudzumika.*+

17 Mphyadidi kudya masamba pa mbuto yakuti anthu asafunana,+

Kupiringana kudya nyama ya ngʼombe yakununa pa mbuto yakuti anthu asaidana.+

18 Munthu anaipirwa mwakucimbiza asasosesa nthonga,+

Mbwenye ule anapirira* asamalisa kulongezana.+

19 Njira ya munthu wakupolola isakhala ninga yadzala na minga,+

Mbwenye njira za anthu akulungama ndi zakusowa madjenje.+

20 Mwana waudziwisi asakomeresa pai wace,+

Mbwenye mwana wakusowa ndzeru asapwaza mai wace.+

21 Udzemwa usakomeresa munthu wakusowa ndzeru,+

Mbwenye munthu waluso yakunyerezera asapitiriza kufamba munjira yakulungama.+

22 Pinthu nee pisafamba mwadidi anthu angakhonda kubvundzisana,*+

Mbwenye pangakhala na mapungu mazinji* pinthu pisafamba mwadidi.

23 Munthu asakomerwa angapereka ntawiro wadidi,*+

Pontho fala inalongwa* pa ndzidzi wakuthema ndi yadidi kakamwe!+

24 Njira ya umaso isatsogolera munthu wandzeru toera kuenda padzulu,+

Toera kumʼphedza kucalira kugwera pantsi Munthumbi.*+

25 Yahova anadzafudza nyumba za anthu akudzikuza,+

Mbwenye iye anadzatsidzikiza madire a mbuto za azice.*+

26 Yahova asanyanyasirwa na pinanyerezera anthu akuipa toera kupicita,+

Mbwenye mafala adidi ndi akucena kuna iye.+

27 Ule anawina pinthu mwakukhonda kulungama asabweresa nyatwa panyumba pace,+

Mbwenye ule anaida kudyekerwa anapitiriza kukhala na umaso.+

28 Munthu wakulungama asanyerezera mwadidi muntima mwace mbadzati kutawira,*+

Mbwenye milomo ya anthu akuipa isalonga pinthu pyakuipa.

29 Yahova ali kutali na anthu akuipa,

Mbwenye iye asabvesera phembero ya anthu akulungama.+

30 Kuyangʼana mwakukomerwa kusatsandzayisa* ntima;

Mphangwa zadidi zisawangisa manungo.*+

31 Ule anabvesera kusandika kunapasa umaso,

Asakhala pakati pa anthu audziwisi.+

32 Munthu anakhonda kulangwa asapwaza umaso wace,+

Mbwenye ule anatawira kusandikwa asakhala na luso yakubvesesa.+

33 Kugopa Yahova kusapfundzisa munthu toera kukhala waudziwisi,+

Kucepeseka kusaphedza munthu toera kulemedzwa.*+