Kronika Wakutoma

25 Kusiyapo pyenepi, Dhavidhi na atsogoleri a misoka ya basa asankhula ana a Azafe, a Emani na a Yedhutuni+ kuti aimbe maarpa, pyakuimba napyo pya nkhambala+ na pyakuimba napyo pya utale toera kusimba Mulungu.*+ Awa ndi madzina a amuna adasankhulwa toera kuphata basa ineyi. 2 Mwa ana a Azafe akhali Zakuri, Zuze, Netaniya na Azarela; ana a Azafe akuti akhatsogolerwa na Azafe, akuti akhatsogolerwa na mambo toera kuphata mabasa awo. 3 Ana a Yedhutuni+ akhali atanthatu: Jedhaliya, Zeri, Yesaiya, Simei, Asabhiya na Matitiya,+ iwo akhatsogolerwa na pai wawo Yedhutuni, wakuti akhaimba arpa toera kupereka takhuta na kusimba Yahova.+ 4 Ana a Emani+ akhali Bhukiya, Mataniya, Uzieli, Sebhueli, Yerimoti, Ananiya, Anani, Eliyata, Jidhalti, Romanti-Ezeri, Yosibhekasa, Maloti, Otiri na Maziyoti. 5 Anewa akhali ana onsene a Emani, wakuti akhali nyakufokotoza masomphenya kuna mambo thangwi ya pinthu pya Mulungu wandimomwene toera kumpasa mbiri; natenepa, Mulungu wandimomwene ampasa ana amuna 14 na ana akazi atatu. 6 Onsene akhaimba panyumba ya Yahova na pyakuimba napyo pya utale, pyakuimba napyo pya nkhambala na maarpa,+ mbatsogolerwa na pai wawo, mbatumikira panyumba ya Mulungu wandimomwene.

Azafe, Yedhutuni na Emani akhatsogolerwa na mambo.

7 Iwo pabodzi na abale awo akuti akhadapfundziswa toera kuimbira Yahova, onsene akuti akhali na maluso akhalipo 288. 8 Natenepa iwo asaka cidzindikiro+ toera kuagawira mabasa awo, akulu na ang’ono, ale akhali na maluso na ale akhapfundza.

9 Cidzindikiro cakutoma cakuti cikhali ca Azafe capangiza Zuze,+ caciwiri capangiza Jedhaliya,+ (iye na abale ace pabodzi na anace akhali 12); 10 cacitatu capangiza Zakuri,+ anace na abale ace akhali 12; 11 cacinai capangiza Iziri, anace na abale ace akhali 12; 12 cacixanu capangiza Netaniya,+ anace na abale ace akhali 12; 13 cacitanthatu capangiza Bhukiya, anace na abale ace akhali 12; 14 cacinomwe capangiza Yesarela, anace na abale ace akhali 12; 15 cacisere capangiza Yesaiya, anace na abale ace akhali 12; 16 cacipfemba capangiza Mataniya, anace na abale ace akhali 12; 17 cacikhumi capangiza Simei, anace na abale ace akhali 12; 18 cacikhumi na cibodzi capangiza Azareli, anace na abale ace akhali 12; 19 cacikhumi naciwiri capangiza Asabhiya, anace na abale ace akhali 12; 20 cacikhumi nacitatu capangiza Subhaeli,+ anace na abale ace akhali 12; 21 cacikhumi nacinai capangiza Matitiya, anace na abale ace akhali 12; 22 cacikhumi nacixanu capangiza Yeremoti, anace na abale ace akhali 12; 23 cacikhumi nacitanthatu capangiza Ananiya, anace na abale ace akhali 12; 24 cacikhumi nacinomwe capangiza Yosibhekasa, anace na abale ace akhali 12; 25 cacikhumi nacisere capangiza Anani, anace na abale ace akhali 12; 26 cacikhumi nacipfemba capangiza Maloti, anace na abale ace akhali 12; 27 cacimakumawiri capangiza Eliyata, anace na abale ace akhali 12; 28 cacimakumawiri na cibodzi capangiza Otiri, anace na abale ace akhali 12; 29 cacimakumawiri naciwiri capangiza Jidhalti,+ anace na abale ace akhali 12; 30 cacimakumawiri nacitatu capangiza Maziyoti,+ anace na abale ace akhali 12; 31 cacimakumawiri nacinai capangiza Romanti-Ezeri,+ anace na abale ace akhali 12.