Masomphenya Adaoneswa Juwau
5 Nʼdjanja yamadyo ya Ule adakhala pa mpando waumambo,+ ine ndaona bukhu* idalembwa nkati na kunja kwene, yakuti ikhadafungwa na pidzindikiro* pinomwe. 2 Ndaonambo anju wamphambvu akhalonga mwakugaluza kuti: “Mbani adathema toera kufungula bukhu ineyi, mbabulusa pidzindikiro piri penepo?” 3 Mbwenye nee mʼbodzi kudzulu, pa dziko yapantsi peno pantsi pa mataka mbadakwanisa kufungula bukhu ineyi peno kuona pidalembwa mwenemu. 4 Ine ndatoma kulira kakamwe, thangwi nkhabe munthu adaoniwa kukhala wakuthema toera kufungula bukhu peno kuona pidalembwa mwenemu. 5 Mbwenye mʼbodzi wa akulu a mpingo andipanga: “Leka kulira. Ona! Nkhalamu ya dzindza ya Yuda,+ ntcitci+ wa Dhavidhi+ akunda,+ natenepa iye athema toera kufungula bukhu na kubulusa pidzindikiro pinomwe piri penepo.”
6 Pontho ine ndaona mwanabira+ adalimira pakati-nakati pa mbuto inagumanika mpando waumambo, pakati pa aanju anai na pakati pa akulu a mpingo,+ wakuti akhaoneka ninga aphiwa,+ iye akhali na nyanga zinomwe na maso manomwe, maso anewa asaimirira mizimu minomwe ya Mulungu+ idatumizwa pa dziko yonsene yapantsi. 7 Penepo pene, mwanabira afendedzera, mbakwata bukhu yakuti ikhali nʼdjanja yamadyo ya Ule adakhala pa mpando waumambo.+ 8 Pidakwata iye bukhu, aanju anai pabodzi na akulu a mpingo 24+ agodama patsogolo pa Mwanabira, mʼbodzi na mʼbodzi wa iwo akhali na arpa na mbale ya ouro idadzala na pyakununkhira. (Pyakununkhira pyenepi pisaimirira maphembero a anthu akucena.)+ 9 Iwo asaimba nyimbo ipswa:+ “Imwe mwathema kukwata bukhu, mbamufungula pidzindikiro piri penepo, thangwi mwaphiwa, pontho na ciropa canu mwagula anthu mbamuapereka kuna Mulungu,+ anthu anewa abuluka mʼmadzindza onsene, pilongero pyonsene, mbumba zonsene na madziko onsene,+ 10 imwe mwaacitisa kukhala amambo+ na anyantsembe a Mulungu wathu,+ pontho iwo anadzatonga+ dziko yapantsi.”
11 Ine ndaona, mbandibva mafala a aanju azinji akhali nʼkhundu mwa mpando waumambo, iwo akhali pabodzi na aanju anai na akulu a mpingo. Iwo akhalipo azinji kakamwe, pikwi na pikwi pyakukhonda lengeseka,+ 12 pontho iwo akhalonga mwakugaluza: “Mwanabira wakuti akhadaphiwa+ athema kutambira utongi, mpfuma, udziwisi, mphambvu, cilemedzo, mbiri na nkhombo.”+
13 Pontho ine ndabva pinthu pyonsene piri kudzulu, pa dziko yapantsi, pantsi pa mataka+ na mʼbara, inde, pinthu pyonsene piri mʼmbuto zenezi pikhalonga: “Ule adakhala pa mpando waumambo,+ pabodzi na Mwanabira+ mbapaswe nkhombo, cilemedzo,+ mbiri na mphambvu kwenda na kwenda.”+ 14 Aanju anai akhalonga: “Ameni!” Akulu a mpingo agodama mbalambira Mulungu.