Tsamba Kuna Akristu a ku Kolose
4 Imwe ambuya, tsalakanani mabitcu* anu munjira yadidi na yakulungama, mbamudziwa kuti imwembo muli na Mbuyanu kudzulu.+
2 Pirirani pakucita phembero,+ mu ndzidzi unacita imwe pyenepi, pitirizani kuyangʼanira, mbamupereka takhuta.+ 3 Mu ndzidzi ubodzi ene, phembereranimbo ife+ toera Mulungu afungulire nsuwo mafalace, toera ife tikwanise kudziwisa cibisobiso cakucena cinalonga pya Kristu; thangwi ya ico, ine ndiri wakumangwa na maunyolo,+ 4 pontho citani phembero toera ndikwanise kudziwisa mafala munjira yakubveka ninga munafunikira ine kulonga.
5 Pitirizani kufamba mwaudziwisi pakati pa anthu akunja; pontho phatisirani mwadidi kakamwe ndzidzi wanu.*+ 6 Ndzidzi onsene mafala anu asafunika akhale adidi, adzipe ninga akuikhwa munyu,+ toera mudziwe kuti munatawira tani mʼbodzi na mʼbodzi.+
7 Tikiko,+ wakuti ndi mʼbale wanga wakufunika, ntumiki wakukhulupirika na bitcu ndzanga mwa Mbuya, anadzakupangani mphangwa zonsene thangwi ya ine. 8 Ine ndiri kuntumiza kuna imwe, toera mudziwe kuti ife tiri tani, pontho toera iye abalangaze mitima yanu. 9 Iye ali kubwera pabodzi na Onesimo+ mʼbale wanga wakukhulupirika na wakufunika, wakuti ndi mʼbodzi wa imwe; iwo anadzakupangani pinthu pyonsene pinacitika kuno.
10 Aristarko,+ wakuti ndi ndzanga wa nkaidi, ali kutumiza mwanyikiro kuna imwe, anatumizambo mwanyikiro kuna imwe ndi Marko+ mʼbale wace* Bharnabhe, (wakuti imwe mwatambira pitsogolero toera muntambire+ angabwera kuna imwe), 11 pontho, Yezu anacemerwa Yusito, akupereka mwanyikiro kuna imwe. Anewa ndi a mu nsoka wa anthu akusidzwa. Basi ene iwo ndiwo andzanga mʼbasa ya Umambo wa Mulungu, pontho iwo andibalangaza* kakamwe. 12 Epafra,+ bitcu wa Kristu Yezu, wakuti ndi mʼbodzi wa imwe, asatumiza mwanyikiro kuna imwe. Ndzidzi onsene iye asacita maphembero mwaphinga thangwi ya imwe, toera mukhale akukola, pontho mukhale na cinyindiro cakuwanga mu pinthu pyonsene pinafuna kudzacita Mulungu. 13 Ine ndiri na umboni wakuti iye asaphata basa mwakuwanga thangwi ya imwe, pontho thangwi ya ale ali ku Laudhiseya na ku Hierapoli.
14 Luka,+ dotoro wakufunika asapereka mwanyikiro kuna imwe, Dhema asaperekambo mwanyikiro.+ 15 Perekani mwanyikiro wanga kuna abale a ku Laudhiseya, kuna Ninfa na mpingo unasonkhana panyumba pace.+ 16 Pontho, tsamba iyi ingamala kulerwi pakati panu, itumizeni ku mpingo wa ku Laudhiseya toera ilerwimbo kweneko,+ imwembo muleri tsamba idatumiza ine ku Laudhiseya. 17 Panganimbo Arkipo kuti:+ “Tsalakana mwadidi basa idatawira* iwe mwa Mbuya, toera uiphate mwadidi.”
18 Tambirani mwanyikiro wanga ine Paulu, udalemba ine na manja anga.+ Pitirizani kukumbuka kuti ine ndamangwa na maunyolo kuno.+ Kukoma ntima kukulu kwa Mulungu mbakukhale na imwe.