Yoswa

21 Atsogoleri a mabanja a Alevi aenda kuna nyantsembe Eleazare,+ kuna Yoswa mwana wa Nuni na kuna atsogoleri a madzindza a Izraeli. 2 Alonga na iwo ku Silo+ mu dziko ya Kanani kuti: “Yahova aphatisira Mose toera kutipanga kuti ife tisafunika kupaswa mizinda toera tikhalemo, pabodzi na mbuto zakudyesera pifuyo pyathu.”+ 3 Natenepa, toera kubvera ntemo wa Yahova, Aizraeli abulusa pakati pa unthaka wawo,+ mizinda ineyi+ na mbuto zace zakudyesera pifuyo, mbapasa Alevi.

4 Cidzindikiro cakutoma cagwa kuna mabanja a Akowati.+ Natenepa mizinda 13 yadzakhala ya ana a nyantsembe Aroni, akuti akhali Alevi. Mizinda ineyi yabulukira mu dzindza ya Yuda,+ dzindza ya Simeoni+ na dzindza ya Bhenjamini.+

5 Ana onsene a Kowati adasala, apaswa mizinda khumi bulukira mʼmabanja a dzindza ya Efraimu,+ dzindza ya Dhani na hafu ya dzindza ya Manase.+

6 Ana a Jersoni+ apaswa mizinda 13 bulukira mʼmabanja a dzindza ya Isakari, dzindza ya Azeri, dzindza ya Nafitali na hafu ya dzindza ya Manase ku Bhasani.+

7 Ana a Merari+ mwakubverana na mabanja awo, apaswa mizinda 12 bulukira mu dzindza ya Rubheni, dzindza ya Gadhi na dzindza ya Zebhuloni.+

8 Natenepa Aizraeli asaka cidzindikiro ca Mulungu toera kupasa Alevi mizinda ineyi na mbuto zace zakudyesera pifuyo, mwakubverana na pidalonga Yahova kuna Mose.+

9 Awa ndi madzina a mizinda idapereka iwo+ bulukira mu dzindza ya Yuda na dzindza ya Simeoni. 10 Pontho mizinda ineyi yaperekwa kuna ana a Aroni akuti ndi Alevi a mʼmabanja a Akowati, thangwi cidzindikiro cakutoma cagwa kuna iwo. 11 Iwo apaswa Kiriyati-Arbha+ wakuti ndi Ebhroni.+ (Arbha akhali baba wa Anaki) Nzinda unoyu pabodzi na mbuto zace zakudyesera pifuyo, ukhali mucisa ca mapiri ca Yuda. 12 Mbwenye minda na midzi ya mu nzinda unoyu pyaperekwa kuna Kalebe mwana wa Yefune ninga unthaka wace.+

13 Ana a nyantsembe Aroni apaswa nzinda wa Ebhroni+ na mbuto zace zakudyesera pifuyo, wakuti ndi nzinda toera munthu anapha ndzace+ athawire mwenemu; apaswambo Libhina+ na mbuto zace zakudyesera pifuyo, 14 Yatiri+ na mbuto zace zakudyesera pifuyo, Esitemowa+ na mbuto zace zakudyesera pifuyo, 15 Oloni+ na mbuto zace zakudyesera pifuyo, Dhebhiri+ na mbuto zace zakudyesera pifuyo, 16 Aini+ na mbuto zace zakudyesera pifuyo, Yuta+ na mbuto zace zakudyesera pifuyo na Bheti-Semesi pabodzi na mbuto zace zakudyesera pifuyo. Mizinda mipfemba ya madzindza anewa mawiri.

17 Bulukira mu dzindza ya Bhenjamini iwo apaswa Jibheyoni+ na mbuto zace zakudyesera pifuyo, Jebha na mbuto zace zakudyesera pifuyo,+ 18 Anatote+ na mbuto zace zakudyesera pifuyo na Almoni na mbuto zace zakudyesera pifuyo. Mizinda minai.

19 Mizinda yonsene idapaswa ana a Aroni akuti ndi anyantsembe, ikhali yakukwana 13 pabodzi na mbuto zace zakudyesera pifuyo.+

20 Mabanja anango onsene a dzindza ya Kowati adasalikira pakati pa Alevi apaswa mizinda inango ya dzindza ya Efraimu. Iwo apaswa mizinda ineyi pakumala kusaka cidzindikiro ca Mulungu. 21 Iwo apaswa nzinda toera munthu anapha ndzace+ athawire mwenemu. Nzinda unoyu ndi Sikemu+ na mbuto zace zakudyesera pifuyo kucisa ca mapiri ca Efraimu. Iwo apaswambo Jezeri+ na mbuto zace zakudyesera pifuyo, 22 Kibhizaimu na mbuto zace zakudyesera pifuyo na Bheti-Oroni+ na mbuto zace zakudyesera pifuyo. Mizinda minai.

23 Bulukira mu dzindza ya Dhani iwo apaswa Eliteke na mbuto zace zakudyesera pifuyo, Jibhetoni na mbuto zace zakudyesera pifuyo, 24 Aijaloni+ na mbuto zace zakudyesera pifuyo na Gati-Rimoni na mbuto zace zakudyesera pifuyo. Mizinda minai.

25 Bulukira mu hafu ya dzindza ya Manase iwo apaswa Tanaki+ na mbuto zace zakudyesera pifuyo na Gati-Rimoni na mbuto zace zakudyesera pifuyo. Mizinda miwiri.

26 Mizinda yonsene na mbuto zace zakudyesera pifuyo idapaswa mabanja anango onsene a dzindza ya Kowati adasalikira, ikhali khumi.

27 Ana a Jersoni+ a mʼmabanja a Alevi apaswa na hafu ya dzindza ya Manase nzinda toera munthu anapha ndzace athawire mwenemu, wakuti ndi Golani+ ku Bhasani na mbuto zace zakudyesera pifuyo, apaswambo Bhesitera na mbuto zace zakudyesera pifuyo. Mizinda miwiri.

28 Bulukira mu dzindza ya Isakari+ iwo apaswa Kisiyoni na mbuto zace zakudyesera pifuyo, Dhabherati+ na mbuto zace zakudyesera pifuyo, 29 Yarimuti na mbuto zace zakudyesera pifuyo na Eni-Ganimu na mbuto zace zakudyesera pifuyo. Mizinda minai.

30 Bulukira mu dzindza ya Azeri+ iwo apaswa Misali na mbuto zace zakudyesera pifuyo, Abhidhoni na mbuto zace zakudyesera pifuyo, 31 Elkati+ na mbuto zace zakudyesera pifuyo na Reobhi+ na mbuto zace zakudyesera pifuyo. Mizinda minai.

32 Bulukira mu dzindza ya Nafitali iwo apaswa nzinda toera munthu anapha ndzace athawire+ mwenemu, wakuti ndi nzinda wa Kedhesi+ ku Galileya na mbuto zace zakudyesera pifuyo, apaswambo Amoti-Dhore na mbuto zace zakudyesera pifuyo na Kartani na mbuto zace zakudyesera pifuyo. Mizinda mitatu.

33 Mizinda yonsene ya Ajersoni mwakubverana na mabanja awo ikhali yakukwana 13 pabodzi na mbuto zace zakudyesera pifuyo.

34 Dzindza ya Merari+ yakuti ndi Alevi adasalikira, apaswa na dzindza ya Zebhuloni+ nzinda wa Yokineyamu+ na mbuto zace zakudyesera pifuyo, Karta na mbuto zace zakudyesera pifuyo, 35 Dhimena na mbuto zace zakudyesera pifuyo na Naalali+ na mbuto zace zakudyesera pifuyo. Mizinda minai.

36 Bulukira mu dzindza ya Rubheni iwo apaswa Bhezeri+ na mbuto zace zakudyesera pifuyo, Yaazi na mbuto zace zakudyesera pifuyo,+ 37 Kedhemoti na mbuto zace zakudyesera pifuyo na Mefati na mbuto zace zakudyesera pifuyo. Mizinda minai.

38 Bulukira mu dzindza ya Gadhi+ iwo apaswa nzinda toera munthu anapha ndzace athawire mwenemu, wakuti ndi nzinda wa Ramoti ku Jiliyadhi+ na mbuto zace zakudyesera pifuyo, apaswambo Manaimu+ na mbuto zace zakudyesera pifuyo, 39 Esibhoni+ na mbuto zace zakudyesera pifuyo na Yazeri+ na mbuto zace zakudyesera pifuyo. Yonsene ikhali mizinda minai.

40 Amerari onsene akuti ndi mabanja adasalikira a Alevi, apaswa mizinda 12 mwakubverana na mabanja awo.

41 Mizinda yonsene ya Alevi mu dziko idapaswa Aizraeli ikhali yakukwana 48 pabodzi na mbuto zace zakudyesera pifuyo.+ 42 Mizinda ineyi yonsene ikhali na mbuto zakudyesera pifuyo nʼkhundu mwayo.

43 Natenepa, Yahova apasa Aizraeli dziko yonsene idadumbira iye toera kupasa ambuyawo.+ Iwo akwata dziko ineyi mbakhala mwenemu.+ 44 Kusiyapo pyenepi, Yahova apumisa Aizraeli mʼmakhundu onsene ninga mukhadadumbira iye kuna ambuyawo,+ pontho nee mʼbodzi wa anyamalwa awo akhakwanisa kuakunda.+ Yahova apereka anyamalwa awo onsene mʼmanja mwawo.+ 45 Nkhabepo cinthu* cidakhonda kucitika mu pinthu pyadidi pyonsene pidapikira Yahova kuna mbumba ya Izraeli; pyonsene pidapikira iye pyakwanirisika.+