MBVUNDZO 10
Bhibhlya isapikiranji thangwi ya ntsogolo?
“Anthu akulungama anadzapaswa dziko yapantsi, pontho iwo anadzakhala mwenemu kwenda na kwenda.”
“Dziko yapantsi isapitiriza kwenda na kwenda.”
“Iye anadzafudza kufa kwenda na kwenda, pontho Yahova Mbuya Wankulu Kakamwe, anadzapukuta misozi mʼmaso mwa anthu onsene.”
“Pa ndzidzi unoyu, maso a maboliboli anadzafunguka, pontho makutu a anthu akukhonda kubva anadzafunguka. Pa ndzidzi unoyu, anthu akulamala anadzanumpha ninga mbawala, pontho malirimi a anthu akukhonda longa anadzakhuwa mwakutsandzaya. Nʼthando munadzakhala na madzi, pontho munadzawewa mikulo ya madzi.”
“Iye anadzapukuta misozi yonsene mʼmaso mwawo, pontho nkhabe kudzaonekabve kufa, nee kutsukwala, nee kulira, nee kubva kupha. Thangwi pyakale pyamala.”
“Iwo anadzamanga nyumba, mbakhalamo; pontho anadzabzwala minda ya mauva, mbadya misapo yace. Iwo nee anadzamanga nyumba toera unango akhalemo, pontho nee anadzabzwala toera anango adye. Thangwi ntsiku za mbumba yanga zinadzakhala ninga ntsiku za muti, pontho anthu adasankhula ine anadzatsandzaya kakamwe na basa ya manja awo.”