Mafala Akutoma a Khundu 12

Yezu apfundzisa anthu pya Umambo wakudzulu. Iye aapfundzisambo toera aphembere kuti dzina ya Mulungu iceneswe, Umambo wace udze, pontho cifuniro cace cicitwe pa dziko yapantsi. Khala ndimwe nyakubala, phedzani mwananu toera adziwe kuti phembero ineyi isabvekanji kuna ife. Pontho mpangizeni kuti Yezu nee atawirisa Sathani toera kufudza kukhulupirika kwace. Yezu asankhula apostolo ace, pontho iwo adzakhala akutoma kucita khundu mu Umambo. Onani phinga ikhali na Yezu thangwi ya ulambiri wandimomwene. Nakuti akhafuna kuphedza anango, Yezu awangisa atenda, adyesa anthu akhali na njala, pontho iye alamusambo anthu muli akufa. Na pirengo pyenepi pyonsene, Yezu apangiza pinafuna kudzacita Umambo kuna anthu.