Cakudya Cancidodo ca Mbuya

1. Yahova Baba wakudzulu,

Cidodo cakufunika!

Kale mwapangiza ufuni na mphambvu,

Udziwisi, ulungami.

Mukhatsidzikiza mbumbanu

Thangwi yakucita Paskwa.

Mbwenye ciropa ca Mbuya wathu Yezu

Cakwanirisa profesiya.

2. Natenepa, nkate na vinyu

Pisatikumbusa Yezu.

Thangwi yaufuni iye atifera.

Abvera mpaka kunkhomo.

Tinapitiriza kumbuka

Cidodo cakufunika.

Kufa kwa Mwananu kusatiombola

M’madawo pabodzi na kufa.

3. Tasonkhana pamaso panu.

Ndimwe adaticemera.

Tisakusimbani nakutuma Yezu,

Toera tikudziweni.

Cikumbuso cisapasadi

Mbiri kuna dzina yanu.

Cisatiphedzambo towezera Yezu,

Kuti tidzawine umaso.