Bwerani Mudzawangiswe pa Misonkhano!

1. Tikukhala n’dziko yakutayika

Yakukhonda dziwa M’lungu.

Ife tisafuna citsogolero,

Tekha nee tinapembera.

Misonkhano yathu isatiphedza

Kulisa cikhulupiro.

Isatipasambo mphambvu toera

Kucita pinthu pyadidi.

Tinacita pinafuna Mulungu.

Na kubvera Mafalace.

Misonkhano isatipfundzisambo

Kufuna undimomwene.

2. Ndi Yahova anadziwa mwadidi

Pinthu pinafuna ife.

Ife tisafunika koya ndzidzi

Tiende ku misonkhano.

Kubulukira mwa abale athu

M’lungu asatipfundzisa.

Mu mpingo tinagumana ciphedzo,

Ife nee tiri tekhene.

Munadikhira ife dziko ipswa.

Tikhale akuphatana.

M’misonkhano M’lungu anatiphedza

Kukhala audziwisi.