Mulungu Mbani?

Revista ino nkhabe guliswa. Yacitwa ninga khundu ya basa ya dziko yonsene yapantsi ya mapfundzisiro a Bhibhlya inaphedzerwa na pyakupereka pyakufuna. Toera kucita pyakupereka, taphata miyendo pitani mu saiti www.jw.org/seh. Kusiyapo cidzindikiro cinango, Malemba adaikhwa abuluswa m’Biblya Chisena na Bhibhlya ya Dziko Ipswa ya Malemba Acigerego Acikristu.

REVISTA IYI, Ncenjezi, isapasa mbiri Yahova Mulungu, Ntongi wakudzulu na pantsi. Isabalangaza anthu na mphangwa zadidi zakuti mwakukhonda dembuka, Umambo wakudzulu wa Mulungu unadzamalisa uipi onsene na kucinja dziko yapantsi toera kukhala paraizu. Isakulumiza cikhulupiro mwa Yezu Kristu, wakuti afa toera tikhale na umaso wakukhonda mala, pontho wakuti cincino akutonga ninga Ntongi wa Umambo wa Mulungu. Revista iyi isabuluswa mwakukhonda limira kutomera mu caka 1879, pontho iyo nkhabe cita khundu ya ndale. Isaphatisira Bhibhlya ninga utongi wayo.