Pidziwiso

◼ Mabukhu akugawira m’Nthanda ya Maindza: Bukhu Yanga Ya Mbiri Za Bibilya. Nthanda ya Thongwe ya 2007: Khala mpingo uli na mabukhu a Conhecimento, anewa angakwanise kugawirwa, khala nkhabe, taphata miyendo gawirani mabruxura akuti Khalani Akulindira! peno Kodi Mulungu Alikuphembanji. Nthanda ya Madzalo: Katsamba konsene kanagumanika pa mpingo peno mabukhu akusala a Profecia de Isaías vol. I na II anagumanika pa mpingo. Nthanda ya Murope: Gawirani bukhu yakuti Biblya Isapfunzisanji na wangisirani towera kutomesa mapfunziro a Biblya. Nthanda ya Bwinja na Gonkho: Tinadzagawira A Sentinela na Despertai! Tingacita maulendo akubwerezera kwa anthu adapangiza kufuna, kuphataniza ale adagumanika pa Cikumbuso na/ peno pyakucitika pinango pyaumulungu mbwenye nee asagumanyikana m’nzidzi onsene na mpingo, wangisirani kugawira bukhu yakuti Biblya Isapfunzisanji, khalani na cifuno ca kutomesa pfunziro ya Biblya.

◼ Taphata miyendo onani kuti Cikumbuso ca caka ca 2008 cinadzacitwa N’sabudu, 22 ya nthanda ya Murope, dzuwa ingabira. Cidziwiso ici cikuperekwa mwanyapantsi towera abale akwanise kukhunganya mbuto peno towera kule kuli na mipingo yakusiyana-siyana inaphatisira Nyumba ya Umambo ibodzi ene ikwanise kupita m’cibverano towera kusaka mbuto na kugumana pinthu pinango pyakufunika. M’nzidzi ubodzibodzi, akulu a mpingo asafunika kubverana na ayang’aniri a mbuto towera kukhala na cibaso cakuti nee panadzakhala na n’dzudzumiso wa mabasa anango. Nakuti Cikumbuso ndi mwambo wakupambulika, nsoka wa akulu a mpingo usafunika kusankhula m’bodzi mwa akulu akuthema kakamwe towera kukamba nkhani mbuto mwa kupitisirana peno kuphatisira m’bale m’bodzi ene pa caka. Mbwenye, khala pana nkulu wakukwanisa wa anyakudzodzwa wakuti angakwanise kucita nkhani, iye angasankhulwe.

◼ Micemerero ya Nzidzi wa Cikumbuso ca 2007 nee inadzafunika kuphembwa nakuti inadzatumizwa mwanyapantsi ku mpingo ubodzi na ubodzi. Khala mipingo isacita misonkhano pa Nyumba ya Umambo ibodzi ene, Muyang’aniri wa Mabukhu asafunika kuonesesa kuti muyang’aniri wa mpingo ubodzi na ubodzi atambire ntsama idatumizirwa iwo. Micemerero inadzagumanika m’pilongero ipi: Cicewa, Cixuabo, Cingerezi, Cilomwe, Cimakuwa, Cindau, Cizungu, Cisena, Cixona, Ciswahili, Citsonga na Citshwa.

◼ Kwa Atumiki Anatsalakana Marevista: Anthu anango asabvunza kuti asafunika kucita lini phembo yakupambulika ya marevista akuthimizirika a nthanda za kugawira kwakupambulika. Ndida unafunika kuphatisirwa na onsene wa kuphemba kweneku usafunika kucitwa m’kusala nthanda zinai kutsogolo kwa ntsiku ya revista. Mwacitsanzo, phembo ya marevista a nthanda ya Bwinja isafunika kucitwa pa 1 ya nthanda ya Maindza, ya marevista a Malandalupya isafunika kucitwa pa 1 ya nthanda ya Khoni. M’maonero a pyenepi, taphata miyendo citani phembo yanu yakupambulika ya marevista mwakukhonda dembuka.

◼ Mabukhu Mapswa Anagumanika:

Kodi Mulungu Asatitsalakanadi?—M’Cimakuwa

Mizimu Ya Akufa—Ingakwanise Kukuphedzani Peno Kukucitani Pyakuipa? Kodi Iyo Iripodi?—M’Cilomwe