Pidziwiso
◼ Mabukhu anafuna kugawirwa mu Nthanda ya Thongwe: Bukhu yonsene yakukhala na matsamba 192 yakuti yadindwa kale kakamwe mbikhala na matsamba akuti nkhabe nensa khala na cikukuwe peno bukhu inango yonsene yakudindwa mbicisati fika caka 1991. Mipingo yakuti nkhabe mabukhu anewa ingakwanise kugawira bukhu ya Conhecimento (khala iripo) peno bruxura yakuti Khalani Akulindira! Nthanda ya Madzalo: Existe um Criador Que Se Importa com Você? peno O Segredo de Uma Família Feliz. Nthanda ya Murope: Kodi Mwandimomwene Biblya Isapfunzisanji? Wangisirani towera kutomesa mapfunziro a Biblya. Nthanda ya Bwinja na ya Gonkho: Marevista A Sentinela na Despertai! Kuwangisira kwakupambulika kusafunika kucitwa towera kubwerera kwa anthu apswa adapangiza cifuno adagumanika pa Cikumbuso na pa nkhani yapakweca yakupambulika, mbwenye nee ndi aphinga m’misonkhano inango ya mpingo tayu. Cifuno ca kubwerera kwa anthu anewa cisafunika kukhala ca kutomesa pfunziro ya Biblya yapanyumba kwa ale akuti nee ali nayo tayu.
◼ Nakuti nthanda ya Murope iri na masabudu na madimingu maxanu, ineyi inadzakhala nthanda yadidi ya kukhala mpainiya wakuphedza.
◼ Kutomera mu nthanda ya Madzalo, na mwakukhonda kupiringana 2 ya nthanda ya Murope, nkhani ipswa yapakweca ya munyang’aniri wa cisa inadzakhala na nsolo wakuti: “Onde encontrar ajuda em tempos de aflição?”
◼ Mipingo isafunika kucita masasanyiro akuthema towera kucita Cikumbuso ca caka cino N’sabudu, 22 ya nthanda ya Murope, dzuwa ingabira. Maseze nkhani ingakwanise kutomwa dzuwa mbisati bira, pidzindikiro pisafunika kutoma kuendeswa dzuwa ingabira. Bvunzani anadziwa pya ukhali wa kudambo towera kudziwa ndzidzi unabira dzuwa pa cisa canu. Mpingo ubodzi na ubodzi usafunika kuyesera kucita Cikumbuso paokha. Mbwenye m’midzidzi inango pyenepi nkhabe kwanisika. Khala mipingo mizinji isaphatisira Nyumba ya Umambo ibodzi ene, panango mpingo ubodzi peno mizinji ingakwanise kukhunganya mbuto inango towera kucitira cikumbuso. Pingakwanisika, mbukudakhala pyadidi kuti pakati pa mpingo ubodzi na unango papite mphindi zakukhonda cepa 40 towera onsene aphindule mwadidi na ndzidzi unoyu. Nyerezeranimbo kuinjipa kwa miotokala na pakuiikha, kuphataniza kutcita na kukwira kwa anthu. Nsoka wa akulu a mpingo usafunika kusankhula ntundu wa masasanyiro akuthema pa mpingo wawo.
◼ Alembi a mipingo asafunika kuonesesa khala ali na carta de designação de pioneiro (S-202) ya m’bodzi na m’bodzi anatumikira ninga mpainiya wa ndzidzi onsene m’mpingo. Khala nkhabe nayo, asafunika kulembera ofesi ya filiali.
◼ Kutomera sumana 4 ya nthanda ya Malimwe tinadzapfunza bukhu yakuti Viva Tendo em Mente o Dia de Jeová pa Pfunziro ya Bukhu ya Mpingo. Ndzidzi unoyu mbusati fika, mipingo isafunika kukhala na mabukhu anewa a pfunziro akukwana kwa onsene. Bukhu inango yakuti ingakwanise kupfunzwa ku cisa ca Cicewa ndi Achegue-se a Jeová. Mipingo isafunika kutoma kutumiza maphembo awo a bukhu ineyi.
◼ Mipingo isafunika kutoma kuphemba mavulume a A Sentinela na Despertai! a 2007. Mavulume anadzagumanika mu cilongero ca Cingerezi na Cizungu. Mpaka pa ntsiku inafuna kubuluswa mavulume anewa na kutumizwa, iwo anadzapangizwa pa ndandanda wa pinthu pidaphembwa pya mpingo ninga “Pendente.”
◼ Ayang’aniri akutsogolera asafunika kudinga khala ntsama ya Utumiki Wathu Wa Umambo inatambira iwo ndi yakukwana kwa onsene pontho usasala pang’ono. Khala ntsama inatambirwa ndi izinji kakamwe, phembo ya mpingo isafunika kupungulwa mu kuphatisira formularyu yakuti Pedido de Revistas (M-202). Khala ntsama inatambirwa ndi ing’ono kakamwe, ingakwanisembo kuthimizirwa mu njira ibodzibodzi. Amwazi mphangwa onsene asafunika kutambira kopya ibodzi. Ale akuti asagumanika mwakukhonda phonya pa Nsonkhano Wa Basa na asathambaruka towera acite khundu mu utumiki wa m’munda asafunikambo kutambira kopya ibodzi. Pontho onesesani khala musakoya kopya ibodzi mu bibliyoteka ya Nyumba ya Umambo. Anthu akubuluswa m’mpingo nkhabe kufunika kupaswa kopya ya Utumiki Wathu Wa Umambo tayu. (Onani Nosso Ministério do Reino de Fevereiro de 1987.)
◼ Mabukhu Akusala Anagumanika:
Khalani Akulindira!—Cimakuwa, Cisena, Citshwa na Cixuabo
Kodi Mulungu Alikuphembanji Kuna Ife?—Cilomwe, Cimakuwa, Cindau, Cisena, Citshwa na Cixuabo
Mizimu Ya Akufa—Ingakwanise Kukuphedzani Peno Kukucitani Pyakuipa? Kodi Iyo Iripodi?—Cilomwe, Cimakuwa, Cisena, Citshwa na Cixuabo
Munakwanisa Kukhala Xamwali Wa Mulungu!—Cilomwe, Cimakuwa, Cisena, Citshwa na Cixuabo
Njira ya ku Umaso Okhonda Mala—Kodi Imwe Mwaigumana Kale?—Cilomwe, Cimakuwa, Cisena, Citshwa na Cixuabo