Pidziwiso

◼ Mabukhu anafuna kugawirwa mu Nthanda ya Murope: Kodi Mwandimomwene Biblya Isapfunzisanji? Wangisirani towera kutomesa mapfunziro a Biblya. Nthanda ya Bwinja na ya Gonkho: Marevista A Sentinela na Despertai! Kuwangisira kwakupambulika kunadzacitwa towera kubwerera kwa anthu apswa adapangiza cifuno adagumanika pa Cikumbuso na pa nkhani yapakweca yakupambulika, mbwenye nee ndi aphinga m’misonkhano inango ya mpingo tayu. Cifuno ca kubwerera kwa anthu anewa cisafunika kukhala ca kutomesa pfunziro ya Biblya yapanyumba kwa ale akuti nee ali nayo tayu. Nthanda ya Khoni: Lambirani Mulungu Mbodzi Basi Wandimomwene.

◼ M’bale wakusankhulwa na nyakuyang’anira wakutsogolera asafunika kudinga matsamba a kobiri a mpingo a nthanda ya Maindza, Thongwe na Madzalo. M’bale adaphatisirwa towera kudinga pa ulendo uno nkhabe funika kuti aphatisirwe pontho pa ulendo wakutowerera tayu. Kudinga kweneku kungamala, mpingo usafunika kudziwiswa pa lipoti ya kobiri inafuna kudza.​​—⁠Onani Instruções para as Contas da Congregação (S-⁠27).

◼ Nsolo wa misonkhano ya gawo ya caka 2008 ndi wakuti “Kutsogolerwa Na Nzimu Wa Mulungu.” Utumiki Wathu Wa Umambo wa nthanda ya Bwinja unadzatipasa unyomonyomo uzinji towera tikwanise kumalisa masasanyiro athu ene akugumanika pa makhundu onsene a nsonkhano unoyu wa ntsiku zitatu. Khala musafuna kuphemba ndzidzi kwa patrau wanu towera mugumanike pa ntsiku zonsene zitatu, lekani kunyinyirika tayu kucita pyenepi.

◼ Ninga pyadziwiswa kale mu Utumiki Wathu Wa Umambo wa nthanda ya Maindza ya 2007, mipingo ingakwanise kutoma kuphemba Watchtower Library​—⁠2007. Mwenemu munadzagumanika mabukhu mapswa adabuluswa mu caka 2007. Mbwenye, kusiyana kukulu kwa programu ineyi ipswa ndi kwakuti Watchtower Reader nee inadzakhala m’bodzi mwene tayu; thangwi Watchtower Library abuluswa mu Watchtower Reader. Munadzaona kuti mu njira zizinji kuiphatisira kwace si kwakunensa tayu na irimbo na pinthu pipswa pyakuti munatsanzaya napyo mbumucitisa kuti pfunziro yanu mwekha ikhale yakuphindulisa kakamwe. Munaikha imwe programu ineyi mu ntcini wanu wa nzeru, munadzakulumizwa kudinda tsamba yacigwagwa yakuti mungakwanise kuikha patsogolo panu munapfunza imwe programu ipswa na pinthu pyace pyakuthimizirika. Towera kuikha Watchtower Library​—⁠2007 mu ntcini wanu wa nzeru, munadzafunika kuphatisira ntcini wa nzeru wakuti uli na sistema ya Microsoft Windows 2000, XP, peno Vista.

◼ Ayang’aniri a marevista asafunika kudinga khala ntsama ya marevista A Sentinela a pfunziro na akugawira inatambira iwo pabodzi na Despertai! ndi yakukwana peno nkhabe. Khala iwo asatambira ntsama izinji kakamwe peno ing’ono kakamwe, phembo ya mpingo isafunika kucinjwa mwakukhonda dembuka mu kuphatisira formularyu yakuti Pedido de Revistas (M-202). Kumbukani kuti zingakwanise kupita nthanda zingasi towera kuti kucinjwa kweneku kutome kuphata basa.

◼ Mipingo isafunika kugawira abale marevista mapswa A Sentinela na Despertai! munamala iyo kwene kuatambira. Pyenepi pinadzacitisa amwazi mphangwa kudziwa mwadidi pinagumanika m’marevista anewa mbasati kuenda kaagawira m’basa ya m’munda. Utumiki Wathu Wa Umambo usafunikambo kugawirwa munamala iwo kwene kutambirwa.

◼ Filiali nkhabe tendeza kuphemba mabukhu kwa kucitwa na m’mwazi mphangwa ekha. Amwazi mphangwa asafunika kuphemba mabukhu awo bulukira m’mpingo. Nyakuyang’anira wakutsogolera asafunika kucita masasanyiro towera pacitwe cidziwiso nthanda zonsene phembo ya mabukhu ya mpingo mbisati kutumizwa ku filiali towera onsene anafuna kuphemba mabukhu awo ene alonge na m’bale anayang’anira mabukhu. Taphata miyendo, kumbukani kuti ndi mabukhu api ndi phembo yakupambulika. (Mpingo usafunika kucita phembo ya mabukhu akupambulika khala alipo anthu anaafuna.) Formularyu ya Pedido de Publicações (S-⁠14) isafunika kutumizwa mwakukhonda dembuka nthanda ibodzi na ibodzi ngakhale kuti musafuna mabukhu pang’ono basi.

◼ Mabukhu Mapswa Anagumanika:

“Bwera Dzanditowera” ​—⁠Ciafrikansi, Cibemba, Cicewa, Cifransa, Cingerezi, Cisesotho, Citsonga, Citswana, Civenda, Cixhosa, Cixona, Cizungu na Cizulu.

“Bwera Dzanditowera” ​—⁠Maletra Makulu (cflp) ​—⁠Cibemba, Cifransa, Cingerezi, Cisesotho, Cixhosa, Cizungu na Cizulu.

Viva Tendo em Mente o Dia de Jeová ​—⁠Tipo Grande (jdlp) ​—⁠Cizungu.