Pidziwiso

◼ Mabukhu anafuna kugawirwa mu Nthanda ya Bwinja na Gonkho: Marevista A Sentinela na Despertai! Mungacita maulendo akubwerezera kwa anthu adapangiza cifuno, kuphataniza ale adagumanika pa Cikumbuso peno adagumanika pa misonkhano yathu inango mbwenye nee asasonkhana pabodzi na ife m’mpingo, wangisirani toera kutomesa mapfunziro mukuphatisira bukhu yakuti Biblya Isapfunzisanji.

◼ Ndandanda wa misonkhano wa basa wa sumana inatowerera nsonkhano wanu wa gawo usafunika kucinjwa toera kudinga uphungu na pikumbuso pinalonga thangwi ya kugumanika pa nsonkhano wa gawo pingakhala pyakukwanisika. Nthanda ibodzi peno ziwiri pakumala nsonkhano wanu wa gawo, khundu inalonga thangwi ya pyakufunika pyapampingo inaphatisirwa toera kudinga ntsonga za nsonkhano wa gawo zakuti amwazi mphangwa aziona kukhala zakuphedza kakamwe mu utumiki.

◼ Kutomera nthanda ya Gonkho, mipingo yonsene isafunika kuphatisira Sabudu yakutoma toera kutomesa mapfunziro a Bhibhlya mu nthanda zonsene. Misolo ya A Sentinela “Aprenda da Palavra de Deus” yacitwa toera kuphedza amwazi mphangwa toera kutomesa mapfunziro a Bhibhlya. Tsamba yakumalisa ya Utumiki Wathu Wa Umambo wa nthanda zonsene inadzakhala na njira za maperekera aumboni a nthanda inatowerera, kuphatanizambo maonero akutomesa pfunziro ya Bhibhlya pa Sabudu yakutoma ya nthanda.

◼ Tiri akutsanzaya kukudziwisani kubuluswa kwa A Sentinela ya misolo yakubvunganizikana, mu Citshwa. Kubuluswa kweneku kunadzatoma na A Sentinela 1.° de Julho de 2011. A Sentinela ineyi inadzakhala na misolo inafuna kudzapfunzwa pa Pfunziro ya A Sentinela pontho inadzakhalambo na misolo yakufunika kwa anthu onsene. Maphembo A Sentinela ineyi toera kuphatisira munthu payekha peno kugawira mu utumiki asafunika kucitwa mwakucimbiza kubulukira m’mpingo.