Pidziwiso

◼ Mabukhu anafuna kugawirwa mu Nthanda ya Khoni: Kodi Mwandimomwene Biblya Isapfunzisanji? Khala anaciro nyumba ali nayo kale bukhu ineyi, amwazi mphangwa anakwanisa kugawira bukhu yonsene yakukhala na matsamba 192 yakuti yadindwa kale kakamwe mbikhala na matsamba akuti nkhabe nentsa khala na cikukuwe peno bukhu inango yonsene yakudindwa mbicisati fika caka 1995. Maluwa na Malimwe: Bruxura yonsene ya matsamba 32 akuti asatundusa anthu mu cisa canu, anagumanika pa pidziwiso pya nthanda ya Khoni mpaka malimwe.

◼ Mabhibhlya a cilongero ca Cimakuwa, Cindau, Cisena, Citshwa na Cixuabo nee asacitwa na gulu ya Mboni za Yahova tayu, natenepa asafunika kuguliwa ku magulu a kudziko. Nakuti ntengo wa Mabhibhlya anewa usapiringana 180,00MT, Mabhibhlya anewa ndi phembo yakupambulika, basi ene asafunika kuphembwa na amwazi mphangwa akubatizwa na akukhonda kubatizwa pontho na anyakupfundza akuenda kutsogolo akuti nee ali na Bhibhlya. Anathema kutambira Bhibhlya ineyi nee asafunika kukakamizika kucita cakupereka sawasawa na kobiri idagulwa na Bhibhlya, khala makhaliro ace nkhabe kuntawirisa kucita pyenepi. M’bodzi na m’bodzi angakwanise kucita cakupereka mwakubverana na pinakwanisa iye. (2 Akor. 9:7) Taphata miyendo, onani kuti malemba a makhundu anango a Mabhibhlya anewa ndi akusiyana na malemba a cilongero cidalembwa Bhibhlya pakutoma, pontho mphangwa zinango zinalonga pya mbuto, caka na ndzidzi nee zaikhwa.

◼ Ndandanda wa nsonkhano wa basa wa sumana inatowerera nsonkhano wanu wa gawo usafunika kucinjwa toera kudinga uphungu na pikumbuso pinalonga thangwi ya kugumanika pa nsonkhano wa gawo. Nthanda ibodzi peno ziwiri pakumala nsonkhano wanu wa gawo, khundu inalonga pyakufunika pyapampingo, inaphatisirwa toera kudinga ntsonga za nsonkhano wa gawo, zakuti amwazi mphangwa aziona kukhala zakuphedza kakamwe mu utumiki.