Pidziwiso

◼ Mabukhu anafuna kugawirwa mu Nthanda ya Bwinja na Gonkho: Marevista A Sentinela na Despertai!. Munthu angapangiza cifuno, gawirani katsamba Kodi Musafuna Kudziwa Undimomwene?, pontho wangisirani toera kutomesa pfundziro ya Bhibhlya. Mungacita maulendo akubwerezera kwa anthu adapangiza cifuno, kuphataniza ale adagumanika pa Cikumbuso peno adagumanika pa misonkhano yathu inango mbwenye nee asasonkhana pabodzi na ife m’mpingo, wangisirani toera kutomesa mapfundziro mukuphatisira bukhu yakuti Biblya Isapfunzisanji.

◼ Ndandanda wa nsonkhano wa basa wa sumana inatowerera nsonkhano wanu wa gawo usafunika kucinjwa toera kudinga uphungu na pikumbuso pinalonga thangwi ya kugumanika pa nsonkhano wa gawo. Nthanda ibodzi peno ziwiri pakumala nsonkhano wanu wa gawo, khundu ya pyakufunika pyapampingo inaphatisirwa toera kudinga ntsonga za nsonkhano wa gawo zakuti amwazi mphangwa aziona kukhala zakuphedza kakamwe mu utumiki.

◼ Mungacita masasanyiro anu toera kaona nsonkhano wa gawo ku dziko inango, munadzagumana mphangwa zakuphedza kakamwe pa Web site jw.org mu kusankhula pa mbuto idalembwa “Misonkhano ya gawo” pantsi pa cibokosi cakuti “Lookup.” Kusiyapo pyenepi, munakwanisa kupita n’cibverano na ofesi ya filiali toera akupaseni mphangwa zakuthimizirika.

◼ Tiri akutsandzaya kukudziwisani kubuluswa kwa A Sentinela ya misolo yakubvunganizikana, mu Cimakuwa. Kubuluswa kweneku kunadzatoma na A Sentinela 1.° de Julho de 2012. A Sentinela ineyi inadzakhala na misolo inafuna kudzapfundzwa pa Pfundziro ya A Sentinela pontho inadzakhalambo na misolo yakufunika kwa anthu onsene. Maphembo A Sentinela ineyi toera kuphatisira munthu paekha peno kugawira mu utumiki asafunika kucitwa mwakucimbiza kubulukira m’mpingo. Ineyi ndi A Sentinela yaciwiri ya misolo yakubvunganizikana inafuna kubuluswa m’Mosambiki. A Sentinela ineyi isabuluswa cincino mu pilongero cifupi 37 mu dziko yonsene yapantsi.