Njira Za Maperekero Aumboni

Toera Kutomesa Mapfundziro a Bhibhlya pa Sabudu Yakutoma mu Nthanda ya Malimwe

“Lero kazinji kene anthu asapangiza Yezu ninga mukhakhala iye mu pyaka pikwi piwiri pya nduli, ninga khombwani peno ninga mamuna wakuti ali kumanikwa pa muti. Mphapo, musanyerezera kuti Yezu akucitanji lero? [Dikhirani ntawiro.] Onani pinalongwa apa.” Pasani mwanaciro nyumba A Sentinela ya 1.° de Agosto, dingani pabodzi mphangwa zinagumanika pantsi pa nsolo ung’ono wakutoma pa tsamba 16, pontho lerini lemba ibodzi mwa malemba anagumanika mu ndima. Perekani marevista, pontho citani masasanyiro akubwerera toera kudinga ntawiro wa mbvundzo unatowerera.

A Sentinela de 1.° de Agosto

“Anthu azinji asakhulupira pirengo. Anango asapenula. Musatawira kuti pirengo pisacitikadi? [Dikhirani ntawiro.] Pikiro iyi inalonga pya cirengo cinafuna citika ntsogolo isapasa cidikhiro anthu azinji. [Lerini lemba ibodzi mwa malemba anagumanika pa matsamba 9-10.] Revista iyi isatawira kupokanywa kutatu kunacitwa kazinji kene thangwi ya pirengo.”

Despertai! de Agosto

Mu ntsiku zino, anthu azinji asagopa kufamba okhene, makamaka dzuwa ingadoka. Musanyerezera kuti ciripo cisafunika kucitwa toera kupungula uphanga pa dziko yapantsi? [Dikhirani ntawiro.] Revista iyi isafokotoza pinthu pingasi pyakuti tonsene tinakwanisa kupicita toera kukhala mwantendere na anango. Isafokotozambo kuti profesiya iyi yakuwangisa inadzakwanirisika tani.” Lerini Masalmo 72:7.