Kodi Mafala a Mulungu ndi Akuphedza mu Umaso Wanu wa Ntsiku na Ntsiku?

Kuleri Bhibhlya ntsiku zonsene kunakwanisa kutiphedza toera kukhala na ‘mitcitci mbatiwanga mu cikhulupiro.’ (Akol. 2:6, 7) Natenepa, toera Mafala a Yahova atiphedze mu umaso wathu, tisafunika kuanyerezera mwacidikhodikho na kuphatisira midida yawo. (Aheb. 4:12; Tgo. 1:22-25) Yoswa 1:8, Tradução do Novo Mundo, isapangiza njira zitatu zakuphindulisa pa kuleri: (1) Lerini Mafala a Mulungu “masiku na masikati.” (2) Alerini “mwacipantsi-pantsi,” kwakuti kunakuphedzani kunyerezera mwacidikhodikho, kunyerezera pinacitika na makhaliro. (3) Phatisirani na ntima onsene “pyonsene pidalembwa mwenemu.” Kuphatisira maonero anewa kunatiphedza toera “kupembera” na ‘kucita pinthu mwandzeru’ mu umaso wathu wa ntsiku na ntsiku.