Sumana 16-22 Ya Março
GENESI 25-26
Nyimbo 18 na Phembero
Mafala Akutoma (mph. 1)
MPFUMA ZA MAFALA A MULUNGU
“Ezau Agulisa Ukulu Wace”: (mph. 10)
Gen. 25:27, 28—Ezau na Yakobe akhali ana mamphasa, mbwenye akhali na makhaliro na mabasa akusiyana (Perspicaz vol. 2 tsa. 464 ndima 3)
Gen. 25:29, 30—Ezau nee anyerezera mwadidi mafala ace thangwi akhali na njala, pontho akhadaneta
Gen. 25:31-34—Ezau nee alemedza ukulu wace, natenepa augulisa kuna Yakobe (Ncenjezi 02/19 tsa. 16 ndima 11; Perspicaz vol. 3 tsa. 327 ndima 8)
Kusaka Mpfuma Zauzimu: (mph. 10)
Gen. 25:31-34—Thangwi yanji nee tisafunika kuphatisira citsandzo ceneci ca m’Bhibhlya toera kupangiza kuti onsene adakhala pa nzera wa makolo a Mesiya akhafunika kukhala ana autombo? (Aheb. 12:16; Ncenjezi 02/18 tsa. 32 ndima 3-5)
Gen. 26:7—Thangwi yanji Izaki alonga kuti Rabheka nee ndi nkazace? (Perspicaz vol. 2 tsa. 808 ndima 5)
Pakuleri Bhibhlya sumana ino, ndi mpfuma zipi zidagumana imwe thangwi ya Yahova, pontho munaziphatisira tani pakumwaza mphangwa peno mu pinthu pinango?
Kuleri Bhibhlya: (mph. 4 peno zakucepa) Gen. 26:1-18 (th pfundziro 5)
PFUNDZISANI MWALUSO MU UTUMIKI
Vidhyu Toera Kupangiza Ulendo Wakutoma: (mph. 5) Mungamala kuipangiza, citani mibvundzo iyi kuna anyakubvesera: Munacalira tani kupasa manyadzo mwanaciro nyumba khala nee asakwanisa kutawira mbvundzo udacita imwe? Kodi m’mwazi mphangwa afokotoza tani lemba ya Mateu 20:28?
Ulendo Wakubwereza Wakutoma: (mph. 4 peno zakucepa) Phatisirani khundu yakuti mafala akukhonda nentsa toera kutomesa makani. (th pfundziro 3)
Ulendo Wakubwereza Wakutoma: (mph. 4 peno zakucepa) Phatisirani khundu yakuti mafala akukhonda nentsa toera kutomesa makani. Buluka penepo mpaseni bukhu yakuti Isatipfundzisanji. (th pfundziro 15)
KUKHALA MASO NINGA AKRISTU
Phatisirani Mavidhyu Pakucitisa Pfundziro ya Bhibhlya na Bhruxura Mphangwa Zadidi za Mulungu!: (mph. 15) Nkhani yakucedza. Pangizani mavidhyu akuti Ndi Api Makhaliro a Anthu Akufa? na Thangwi yanji Mulungu asalekerera nyatwa? . Mungamala kupangiza vidhyu ibodzi na ibodzi, citani mibvundzo iyi: Munaphatisira tani vidhyu ineyi pakucitisa pfundziro ya Bhibhlya na bhruxura Mphangwa Zadidi za Mulungu? (Umaso Wacikristu 03/19 tsa. 7) Vidhyu ineyi yakuphedzani tani toera kuthimizira maluso anu akupfundzisa? Kumbusani onsene kuti ale anaphatisira ntokodzi peno thabhuleti pakucitisa pfundziro ya Bhibhlya na bhruxura Mphangwa Zadidi anakwanisa kupfinya pa linki toera kupangiza vidhyu.
Pfundziro ya Bhibhlya ya Mpingo: (mph. 30) Yezu—Ndi Njira nsolo 108
Mafala Akumalisa (mph. 3 peno zakucepa)
Nyimbo 107 na Phembero