Kodi Imwe Munakwanisa Kuphatisira Ndzidzi Wanu na Mphambvu Zanu?

Ninga pidalonga mprofeta Izaiya, gulu ya Yahova ikuthambaruka kakamwe lero kupiringana kale. (Iza. 54:2) Na thangwi ineyi, ife tisafuna Nyumba za Umambo zizinji, Nyumba za Misonkhano na mabheteli. Nyumba zenezi zingamala kumangwa, ndzidzi onsene zisafunika kutsalakanwa mwadidi, pontho mukupita kwa ndzidzi zinango zisafunika kusasanyirwa paswa. Mphapo, tinaphedzera tani gulu ya Yahova mukuphatisira ndzidzi wathu na mphambvu zathu? Ife tinakwanisa kucita pyenepi:

• tingaphedzera kuceneswa kwa Nyumba ya Umambo pabodzi na nsoka wathu wa basa ya m’munda

• tingaperekeka toera kupfundziswa njira zakutsalakana Nyumba ya Umambo

• tingalemba Petição para Voluntário do Departamento Local de Projeto/Construção (DC-50) toera kuphedza basa yakumanga peno kusasanyira papswa Nyumba za Umambo cifupi na kunakhala ife

• tingalemba Petição para o Serviço de Voluntário (A-19) toera kuphedzera sumana ibodzi peno masumana mazinji ku Bheteli peno mbuto zinango zinaphatisirwa na Bheteli

ONANI VIDHYU YA NSOLO WAKUTI UM NOVO PROJETO DE CONSTRUÇÃO EM ANDAMENTO, BULUKA PENEPO TAWIRANI MIBVUNDZO IYI:

• Ninji pinapangiza kuti ife tisaphatisira mavidyu mazinji kutomera mu caka 2014?

• Ndi basa ipi inafuna kucitwa toera kutiphedza kucita mavidhyu mazinji? Basa ineyi inatoma lini, pontho inamala lini?

• Abale na alongo anafuna kuperekeka anaphatisirwa tani toera kuphedzera basa ineyi?

• Khala musafuna kuphedzera basa yakumanga Ramapo, thangwi yanji ndi pyakufunika kulemba (DC-50) toera kuphedzera basa yakumanga cifupi na kunakhala imwe?

• Thangwi yanji tiri na cinyindiro cakuti Yahova akutsogolera basa ineyi?

• Khala ife nee tinakwanisa kucita basa ineyi, tisafunika kucitanji toera kuphedzerambo basa ineyi?