Tsidzikizani Uxamwali Wanu na Yahova

Mboni za Yahova ziri na mwai ukulu kakamwe. Ninga Akristu akuperekeka na akubatizwa, ife tisapitiriza kuwangisa uxamwali wathu na Ntongi Wankulu, Yahova. Iye asatawirisa kuti tikhale axamwali ace kubulukira mwa Mwanace. (Juwau 6:44) Pontho Yahova asabvesera maphembero athu.—Masal. 34:15.

Tinatsidzikiza tani uxamwali wathu na Mulungu? Tisafunika kucalira kucita pinthu pyakuipa ninga pidacita Aizraeli. Pidamala iwo kucita cibverano na Yahova, mu ndzidzi wakucepa iwo acita mwana ng’ombe wa ouro mbatoma kumulambira. (Eks. 32:7, 8; 1 Akor. 10:7, 11, 14) Natenepa tisafunika kubvundzika: ‘Kodi ndisacitanji ndingayeserwa toera kucita pinthu pyakuipa? Kodi pinthu pinacita ine pisapangiza kuti ndisalemedza uxamwali wanga na Yahova?’ Tingafuna kakamwe Yahova pinatiphedza toera kuida pinthu pinaida iye.—Masal. 97:10.

ONANI VIDHYU YA NSOLO WAKUTI TSIDZIKIZANI UXAMWALI WANU NA YAHOVA (AKOL. 3:5), BULUKA PENEPO TAWIRANI MIBVUNDZO IYI:

• Kodi kusirira ninji?

• Thangwi yanji tisafunika kucalira kufuna pinthu pizinji na kulambira madzimunthu?

• Kodi kucita upombo kwalandana tani na kulambira madzimunthu?

• Thangwi yanji ale akuti ali na miyai yakutumikira mu gulu ya Yahova asafunika kuwangisira kakamwe toera kutsalakana akazawo?