BHIBHLIYOTEKA MU INTERNETI ya Torre de Vigia
Ncenjezi
ya Torre de Vigia
Cisena
  • BHIBHLYA
  • MABUKHU
  • MISONKHANO
  • mwb20 Dezembro ya tsa. 3
  • Ife Tinapangiza Kuti Tisafuna Yahova Tingacalira Kucedza na Munthu Wakubuluswa mu Mpingo

Nkhabe kugumanika vidhyu pa khundu ino.

Munatilekerera, paoneka madodo pakupangiza vidhyu.

  • Ife Tinapangiza Kuti Tisafuna Yahova Tingacalira Kucedza na Munthu Wakubuluswa mu Mpingo
  • Umaso Wathu Wacikristu na Utumiki—Programu ya Misonkhano—2020
  • Mphangwa Zakulandana
  • Kusandika Kusapangiza Ufuni wa Yahova
    Umaso Wathu Wacikristu na Utumiki—Programu ya Misonkhano—2021
  • Thangwi Yanji Kubuluswa M’mpingo Ndi Masasanyiro Aufuni?
    Ncenjezi Wakudziwisa Umambo Wa Yahova (Wa Pfundziro)—2015
  • Musafunika Kucitanji Khala Munthu Anafuna Imwe Asiya Kutumikira Yahova?
    Ncenjezi Wakudziwisa Umambo Wa Yahova (Wa Pfundziro)—2021
  • Kulanga Ndi Cipangizo ca Ufuni wa Mulungu
    Ncenjezi Wakudziwisa Umambo Wa Yahova (Wa Pfundziro)—2018
Onani Mphangwa Zinango
Umaso Wathu Wacikristu na Utumiki—Programu ya Misonkhano—2020
mwb20 Dezembro ya tsa. 3

KUKHALA MASO NINGA AKRISTU

Ife Tinapangiza Kuti Tisafuna Yahova Tingacalira Kucedza na Munthu Wakubuluswa mu Mpingo

Munthu angacita madawo mbakhonda kutcunyuka asabuluswa mu mpingo, pontho pyenepi pisatsidzikiza mpingo. (1 Akor. 5:6, 11) Natenepa tingakhonda kucedza na munthu unoyu, tinapangiza kuti tisafuna Yahova. Mbwenye pinakhala pyakutsukwalisa kakamwe kuna abale, kuphatanizambo acibale na akulu a mpingo adatsalakana nkhani ineyi, angaona kuti tikucedza na munthu wakubuluswa mu mpingo.

Kusiyapo pyenepi, tingakhonda kucedza na munthu wakubuluswa mu mpingo tisacenesa dzina ya Yahova na kuphedzera midida yace yakulungama. (1 Ped. 1:14-16) Pontho tisapangiza ufuni kuna munthu unoyu. Mwakukhonda penula, munthu wakubuluswa mu mpingo asabva kupha, mbwenye pyenepi pisabala “nsapo wantendere mwakubverana na ulungami.” (Aheb. 12:5, 6, 11) Mbwenye tingacedza na munthu wakubuluswa mu mpingo peno wakubuluka ekhene, tinapangiza kuti nee tisabvera midida ya Yahova. Pontho tisafunika kukumbuka kuti Yahova asasandika munthu mwakubverana na pire pidacita iye. (Yer. 30:11) Natenepa tisafunika kupitiriza kutumikira Yahova na kuphedzera midida yace, mbatidikhira kuti ntsogolo iye anadzabwezereswa mu mpingo.—Iza. 1:16-18; 55:7.

ONANI VIDHYU YA NSOLO WAKUTI KHALANI WAKUKHULUPIRIKA NA NTIMA ONSENE, BULUKA PENEPO TAWIRANI MIBVUNDZO IYI:

  • Khundu yakutoma ya vidhyu ya nsolo wakuti ‘Khalani Wakukhulupirika na Ntima Onsene.’ Gabriella na Ben iwo ali akutsukwala pidamala iwo kuleri tsamba idasiya mwanawo wakuti abuluka panyumba.

    Ndi mabvero api adakhala na Gabriella na Ben mu ndzidzi udasiya mwanawo kutumikira Yahova?

  • Khundu yaciwiri ya vidhyu ya nsolo wakuti ‘Khalani Wakukhulupirika na Ntima Onsene.’ Gabriella na Ben akubalangazwa na abale pakumala kwa misonkhano ya mpingo.

    Abale na alongo mu mpingo aphedza tani banja ineyi?

  • Khundu yacitatu ya vidhyu ya nsolo wakuti ‘Khalani Wakukhulupirika na Ntima Onsene.’ Gabriella akunyerezera citsandzo ca Kora.

    Ndi citsandzo cipi ca m’Bhibhlya cinapangiza kuti kukhala wakukhulupirika kuna Yahova ndi kwakufunika kakamwe kupiringana acibale athu?

  • Khundu yacinai ya vidhyu ya nsolo wakuti ‘Khalani Wakukhulupirika na Ntima Onsene.’ Gabriella na Ben abuluka ku misonkhano, pontho nkazi akupangiza mamunace mphangwa zidatumiza mwanawo.

    Tinapangiza tani kuti ndife akukhulupirika kakamwe kuna Yahova kupiringana acibale athu?

    Mabukhu Acisena (1982-2025)
    Bulukani
    Fungulani
    • Cisena
    • Tumizirani Anango
    • Sankhulani Pinafuna Imwe
    • Copyright © 2025 Watch Tower Bible and Tract Society of Pennsylvania
    • Pinafunika Imwe Kutowezera
    • Cibisobiso
    • Configurações de Privacidade
    • JW.ORG
    • Fungulani
    Tumizirani Anango