Anyakubala, Pfundzisani Ananu Midida ya Bhibhlya

Ife tikukhala mu dziko yakuti anthu azinji asaona pinthu pyadidi ninga pyakuipa, pinthu pyakuipa ninga pyadidi. (Iza. 5:20) Mwakutsukwalisa, anthu anango asacita pinthu pinaida Yahova, kuphatanizambo kupita m’mabonde mamuna na mamuna peno nkazi na nkazi. Natenepa, aphale na atsikana akuti asatumikira Yahova panango anakakamizwa na andzawo a kuxikola peno anthu anango toera kucita pinthu pyakuipa. Munaphedza tani ananu toera kucalira pinthu pyenepi pyakuipa?

Pfundzisani ananu midida ya Yahova. (Lev. 18:3) Mwapang’ono-pang’ono, apfundziseni pinthu pinalonga Bhibhlya thangwi yakupita m’mabonde. Mbwenye citani pyenepi mwakubverana na thunga yawo. (Deut. 6:7) Natenepa bvundzikani: ‘Kodi ndapfundzisa ananga toera kucalira pinthu pyakuipa ninga kumenya matako na kuphata mabere a atsikana peno kutawira kumenywa matako na kuphatwa mabere na aphale? Kodi ine ndapfundzisa ananga kufunika kwa kubvala nguwo zakuthema? Kodi ananga asadziwa kuti ndi pyakuipa kuona ucipezipezi?’ Mungapfundzisa ananu pinthu pyenepi, iwo anakwanisa kucalira nyatwa zizinji. (Mis. 27:12; Koel. 7:12) Kusiyapo pyenepi, mungapfundzisa ananu, munapangiza kuti musalemedza muoni udakupasani Yahova.—Masal. 127:3.

ONANI VIDHYU YA NSOLO WAKUTI MANGANI NYUMBA YAKUWANGA—TSIDZIKIZANI ANANU KU ‘PINTHU PYAKUIPA,’ BULUKA PENEPO TAWIRANI MIBVUNDZO IYI:

• 

  Thangwi yanji anyakubala anango asacalira kupfundzisa anawo nkhani zakupita m’mabonde?

• 

  Thangwi yanji anyakubala asafunika kulanga na kupfundzisa anawo “mwakubverana na pinalonga Yahova”?—Aef. 6:4

• 

  Ndi pinthu pipi pinapereka gulu ya Yahova toera kuphedza anyakubala kuti apfundzise anawo thangwi ya nkhani zakupita m’mabonde?—Ncenjezi 05/19 tsa. 12, bokosi

• Thangwi yanji musafunika kucedza kazinji kene na ananu mbadzati kugwerwa na nyatwa?